焱丸水產 (已結業)

今日相約朋友喺銅鑼灣食飯，揀咗呢間日本風格嘅餐廳。餐廳裝修到好似置身於日本！我地點左兩隻活生蠔，一人一隻試下咩味生蠔都幾大隻，好飽滿，上面仲放左青檸蠔肉好鮮甜，食落啖啖肉，非常新鮮。蟹味噌雪丹有蟹膏，海膽喺入面，仲有三文魚子幾粒。蟹膏食落好鮮味，好難得！好多地方嘅蟹膏都臭臭地。海膽都好新鮮，食落無腥味/古怪嘅味。三文魚富士山由多塊三文魚砌成，上面放左蛋黃醬同蟹子粒，下面係壽司卷。溝多d蛋黃醬食更美味！最後燒帆立貝，左邊放左蟹膏，右邊放左海膽，一齊燒。煮完就會有埋佢地嘅味道，令隻帆立貝味道更有層次感。帶子位好鮮彈牙甜大粒，好味呀！