焱丸水產 (已結業)

啱啱睇完死侍2去搵食，行到謝斐道食街，見到有間店外放咗兩支旗嘅日式料理，望真啲係有啲似日本嘅連鎖燒水產喎，有啲懷念就入去試下啦。原來連格局同氣氛都好似，有唔少水產嘅大大魚缸，枱櫈寬敞坐得幾舒服，事不宜遲立即點嘢食。先嚟個冷盤 - 蟹子蟹肉薯仔沙津入口嘅第一個感覺夠凍! 然後薯仔好溶好溶咁滑入喉嚨，當細味亦會發現蟹肉絲香味，蟹子就唔駛講啦，其實所有味道都已經溶入薯溶裏，好味，重點份量唔少。炒雜菇為今晚呢餐增加纖維，即叫即炒，個人喜好加埋7味粉更過癮。輪到自選嘅刺身拼盤揀咗一條池魚、活海螺、甜蝦，池魚無腥味喎，點上薑溶豉油，感覺比起點wasabi即時提升咗鮮味，魚生大塊肉鮮甜肉滑，另外碗上嘅小肉塊亦滋味十足。甜蝦不過不失，係大隻飽滿。至於活海螺我就最中意，夠凍又夠爽脆，係確確實實嘅chok chok 聲，味道當然又係鮮甜啦，正斗。跟住係燒燒燒，係咁意揀咗大蝦同貴妃蚌，全程唔駛自己搞，係由店員負責燒嘅，見到燒嘅過程加咗啲醬油，一邊燒一邊聞到香噴噴，尤其是燒蝦果陣，蝦殼味同蝦膏味極突出，到食個陣肉質爽滑，夾埋應該頭先佢咗嘅醬油味，鮮味甚濃。仲有個小食，炸魷魚大盛，炸嘢嚟講都算出色，香酥脆全部都