阿爺八鮮鍋 (已結業)

媽咪特別鍾意食海鮮，所以就特登搵咗呢一間任食海鮮嘅餐廳！一入到去餐廳，就見到佢有好大嘅海鮮缸，入面有好大隻嘅龍蝦、蟹同蝦！入到去餐廳冇諗過而家疫情嘅情況下都咁多人黎食！依家餐廳仲做緊好多嘅優惠，除咗有花膠雞煲之外，仲有花膠、燉湯、刺身等等嘅食物，但係呢啲全部都好足料！佢呢一個花膠燉湯啲花膠食落去都好彈牙，而且個湯飲得出係燉左好耐嘅，好入味！喺食雞煲同火鍋之前，啲員工都好好咁樣幫我地消毒餐具。呢一啲高溫消毒完之後，都放心晒可以盡情咁樣任食海鮮！而佢雞煲嘅份量唔算好多，因為要留返個肚俾你食海鮮🤣我哋揀咗唔辣嘅，啲雞同花膠都好入味而且唔會好鹹，呢個好加分！而佢嘅刺身拼盤睇落去同平時出面食嘅放題質素差唔多，而且每一款都好新鮮！嚟到呢一個足料海鮮大拼盤，淨係講佢嘅龍蝦、鮑魚同蟹，都已經覺得呢一餐回哂本！佢龍蝦肉質非常之彈牙，而且食落去會覺得好新鮮，肉質都好嫩滑！以佢嘅蟹本身入邊嘅蟹膏都好多，而且都啖啖肉，鍾意食蟹嘅人一定要黎食下！其實食完佢啲拼盤、雞煲之後，個肚都已經有四五成飽，但係都要試吓佢其他嘅火鍋配料，啲丸食落去都好特別，因為係佢哋自己自家製嘅，出面都食唔到而且都好彈牙！佢哋都有啲安格斯牛