海底撈火鍋 (利舞臺廣場)

营业中

休息中

海底撈真係唔係第一次食，但係喺香港食咗真係第一次！海底撈一向以佢嘅服務質素而出名，之前一直好好奇香港有冇類似嘅服務質素呢！結果係非常滿意！一入到去已經有個姐姐好好咁比圍裙我地戴，教我地點菜，仲幫我預約美甲服務添！我哋叫咗兩個二人套餐，四個人食啱啱好！鴛鴦湯底一邊叫咗麻辣一邊叫蕃茄湯。食物質素方面真心覺得同喺深圳食冇乜分別，牛都係好鮮嫩，而且牛味都香濃！湯底都好濃郁，同大陸一樣都係有得自選配料。另外佢個響鈴真係我食過最好食嘅！唔會太油膩得來而且好香脆可口，我哋都encore左幾碟服務方面我覺得同大陸真係不相伯仲，唯一唔同嘅地方就係香港嘅地方比較窄，但係都冇影響到拉麵師傅係我地面前手拉麵！另外佢哋嘅服務真係非常細心，打邊爐剝蝦對於我來講一齊係好麻煩嘅事，因為熱辣辣，而且成個蝦殼都係水，好容易彈到全身都係但呢度嘅服務員就有埋幫我地剝蝦殻嘅服務，簡直係加分