影片
更多
2021-10-13
161 浏览
最近秋風起，又係打邊爐既好時候，聽聞葵芳新都會廣場開左一鍋堂新店，2 小時任飲任食，食過的朋友都讚口不絕，先生知我好想去，醒目地提早一星期訂好位食晚市（真係好難訂位，好多日子都滿座... ）入座前先選湯底，留意到一鍋堂同金寶湯聯乘推出左2 款湯底，包括有忌廉周打蜆湯，番茄羅勒湯～好有創意呀，從來都無諗過可以用西湯打邊爐，先生選了忌廉周打蜆湯，湯內真係有薯仔粒同蜆，用忌廉湯打邊爐，食材的口感會比較滑，可以一試～餐廳採用半自助餐形式，除在QR Code內既火鍋料外，仲有好多熱食，涼盤，丸類， 蔬菜可以任取任食， 包括有惹味的冬陰功肉碎炒飯，清甜的清湯蘿蔔牛丸，對我來說超級辣的麻辣鹵水鴨血， 麻辣豬手， 麻辣豬耳， 泡菜， 泡菜蘿蔔，新鮮彈牙的涷蝦， 爽口泡椒鳳爪， 涼拌秋葵，伴麵，沙律菜等等，非常豐富，未開始食火鍋，我就已經半飽！！火鍋料方面，我哋都點左好多，其中我最喜歡的是「珍珠貝」，「沙白蜆」，上枱還會動，鮮甜得令人喜出望外，無限下單。「真係花膠」很大塊， 煮軟後，非常黏口，滿滿的骨膠原。「紐西蘭羊卷肉」坊間少見，喜歡食羊的人應該會喜歡，肉質嫩滑且羊騷味不太重。「安格斯牛板腱」脂肪不算
入座前先選湯底，留意到一鍋堂同金寶湯聯乘推出左2 款湯底，包括有忌廉周打蜆湯，番茄羅勒湯～
好有創意呀，從來都無諗過可以用西湯打邊爐，先生選了忌廉周打蜆湯，湯內真係有薯仔粒同蜆，用忌廉湯打邊爐，食材的口感會比較滑，可以一試～
餐廳採用半自助餐形式，除在QR Code內既火鍋料外，仲有好多熱食，涼盤，丸類， 蔬菜可以任取任食， 包括有惹味的冬陰功肉碎炒飯，清甜的清湯蘿蔔牛丸，對我來說超級辣的麻辣鹵水鴨血， 麻辣豬手， 麻辣豬耳， 泡菜， 泡菜蘿蔔，新鮮彈牙的涷蝦， 爽口泡椒鳳爪， 涼拌秋葵，伴麵，沙律菜等等，非常豐富，未開始食火鍋，我就已經半飽！！
火鍋料方面，我哋都點左好多，其中我最喜歡的是「珍珠貝」，「沙白蜆」，上枱還會動，鮮甜得令人喜出望外，無限下單。
「真係花膠」
很大塊， 煮軟後，非常黏口，
滿滿的骨膠原。
「紐西蘭羊卷肉」
坊間少見，喜歡食羊的人應該會喜歡，
肉質嫩滑且羊騷味不太重。
「安格斯牛板腱」
脂肪不算太豐富，但肉質軟淋，富肉味。
「八吋長腳蟹棒」
普通蟹柳的增長增大版，啖啖肉，
雖然不是真正的長腳蟹，但也好好味。
「彈牙魚皮餃」
好多時都怕食到很韌，很粉的，
而一鍋堂既魚皮餃，魚皮煙韌，肉餡鮮美，
可以一戰。
「鹹蛋黃炸魚皮」
魚皮上的蛋黃炸得香口，唯魚皮較硬身。
「新鮮魚雲」
鮮度十足， 好喜歡魚雲滑滑的口感，
滋補又養顏。
「手打潮汕魚蛋/牛丸」
白魚蛋口感軟淋彈牙，牛丸口感鮮美，
潮汕出品，果然不錯。
「香煎韭菜餅」
混合鯪魚肉和韭菜煎香，
香口且帶有煎過的焦香味，加單之選。
特別推介：
「自家製胡椒麵」
原本對賣相普通的胡椒麵不抱期望，
怎料入口彈牙又煙韌，且帶濃郁的黑胡椒，
充滿東南亞特色，比稻庭烏冬更能吸引到我呢！！
今次首嚐新開張不久的葵芳一鍋堂， 整體感覺滿意，食物質素很高，座位寬敞闊落，唯職員收碟的主動性有待加強，另外要留意 ，店內沒有洗手間，如需去洗手間需要落2層樓，建議入座前先到洗手間。
一鍋堂
葵芳興芳路223號新都會廣場6樓601-610號舖
🌛月光太太
张贴
