Châteraisé (已結業)

颱風日，梗係要約下住附近嘅Friend 玩下Board game。呢啲場合又點可以缺少甜食，所以就喺Chateraise 買左4款泡芙(抹茶拿鐵、吉士&忌廉、焦糖、牛奶朱古力)同2款鯛魚燒雪糕(雲呢拿紅豆、宇治抹茶紅豆)。綜合嚟講，以上四款泡芙嘅cream都非常濃郁，個Puff亦好鬆軟，不過食得多都有啲漏。鯛魚燒如果啱啱喺冰格攞出嚟，最好等佢解一解凍先食，咁個雪糕食落就會軟滑好多。兩款鯛魚燒個餅皮有啲韌，紅豆有啲死甜。黑色嘅鯛魚燒係竹炭餅皮，不過都係Gimmick 野，冇乜味，同埋佢哋嘅抹茶太出色，會蓋左其他味道。