影片
更多
2021-07-12
268 浏览
一直聽講呢一間嘅午餐同晚餐質素好高，今日行過銅鑼灣決定試一試！麵包⼀坐低，點完餐職員就送上自家製麵包。牛角包、芝士忌廉包都係無限量供應，附送嘅牛油細細粒而且好滑，仲帶有一層橄欖油，點麵包食一流！前菜:甘筍湯/牛油果野菌忌廉酥皮盒湯飲落有少少酸口，餐廳加上左松子仁，加添果仁香，最特別係中間有一條咖啡啫喱。酥皮盒略嫌加咗醬汁之後會淋左，但粒粒野菌又見滋味廚師精選-法國豬仔脾面頭焗有金黃嘅麵包碎，食落香口，而且超級容易切開同離骨，足見火候拿捏嘅準確度。呢碟菜式並冇多餘嘅醃料同醬汁，完整地食到豚肉香，拌碟既焗薯面頭切得四四方方帶幾分金黃，食落綿得黎不失咬口。美國頂級封門柳（六安士）食落好有炭火嘅味道，邊位有少許燶帶份焦香既脆口。肉質好粉嫩，每片厚度均一，口感腍軟，牛味相當豐盛！另外相當欣賞佢個松露燒汁，鹹度調得剛好，仲可以見到松露粒，點上Rosemary 後再沾上燒汁更加能提升牛既鮮味。拌碟有三款：日本凍萵筍、自家製酸菜、千層焗薯。 萵筍切成一條條，可以用來清一清喉嚨，千層焗薯有芝士嘅濃香，一片一片薯仔搭起來焗烤，口感不俗。+$78鵝肝多士鵝肝一大嚿，入口即溶，墊底有嘅蒜蓉包，烤得宜，非常脆口
麵包
⼀坐低，點完餐職員就送上自家製麵包。牛角包、芝士忌廉包都係無限量供應，附送嘅牛油細細粒而且好滑，仲帶有一層橄欖油，點麵包食一流！
前菜:甘筍湯/牛油果野菌忌廉酥皮盒
湯飲落有少少酸口，餐廳加上左松子仁，加添果仁香，最特別係中間有一條咖啡啫喱。酥皮盒略嫌加咗醬汁之後會淋左，但粒粒野菌又見滋味
廚師精選-法國豬仔脾
面頭焗有金黃嘅麵包碎，食落香口，而且超級容易切開同離骨，足見火候拿捏嘅準確度。呢碟菜式並冇多餘嘅醃料同醬汁，完整地食到豚肉香，拌碟既焗薯面頭切得四四方方帶幾分金黃，食落綿得黎不失咬口。
美國頂級封門柳（六安士）
食落好有炭火嘅味道，邊位有少許燶帶份焦香既脆口。肉質好粉嫩，每片厚度均一，口感腍軟，牛味相當豐盛！另外相當欣賞佢個松露燒汁，鹹度調得剛好，仲可以見到松露粒，點上Rosemary 後再沾上燒汁更加能提升牛既鮮味。
拌碟有三款：日本凍萵筍、自家製酸菜、千層焗薯。 萵筍切成一條條，可以用來清一清喉嚨，千層焗薯有芝士嘅濃香，一片一片薯仔搭起來焗烤，口感不俗。
+$78鵝肝多士
鵝肝一大嚿，入口即溶，墊底有嘅蒜蓉包，烤得宜，非常脆口！而且拌碟好精緻。
+68精選甜品
每日嘅精選甜品都唔同，今日有朱古力香橙慕絲加黑加倫子雪糕。成件藝術品上枱，面頭有朱古力脆皮，裏面有好清新既橙味同果肉，甜品以下有朱古力脆塊同爆炸糖，口感非常驚艷！黑加倫子雪糕明顯自家製，淡淡水果肉，入口有少少似雪花芭！
👍🏻👍🏻每一碟菜式上菜嘅時候隻碟都係熱嘅，職員要用毛巾托住上台！
张贴
