影片
更多
2021-07-11
34 浏览
今晚去咗觀塘工業中心食私房菜，前菜係茶燻流心蛋配魚子醬及厚切茄子，流心蛋有少少煙燻香，加埋鹹香的魚子醬點綴，薦底茄子用薄漿輕炸過，配合埋底嘅燒汁味道不錯。海椰皇仔燉鷓鴣黑毛豚肉湯，打開個蓋見到用了十足，有成隻鷓鴣喺裏面及其他嘅配料。個湯頭非常之清澈又清甜，有少少鷓鴣味，但係一啲都唔燥，夏天飲都覺得幾清潤。配料點埋豉油食，都覺得好食，唔知係咪心理關係，黑毛豬肉入口真係冇咁燥。椒鹽豬肺，平時飲湯就食豬肺，今次變咗椒鹽比較香口，咬開外皮少少煙韌，口感不錯。油浸馬友魚，整條魚外皮都炸到香脆，非常香口，魚皮有少少鹽醃過，所以又香脆又好味，馬油魚肉多油份又甘香。江南百花雞，出名嘅手工菜係雞肉去骨煎釀入蝦餃，又要煎又要煮又油泡，食落去外皮香脆似炸子雞，咬開雞肉粉嫩配合埋花膠，口感彈牙，雞肉滲出海鮮蝦味，味道幾特別，點埋旁邊嘅冰梅漿，甜甜酸酸可以減去油膩感。蟹黃瑤柱菠菜，西餐賣相嘅上碟，上面淋上蟹膏蟹肉，蟹膏蟹肉再多啲味道會出色。家鄉炒米線，比米粉更幼嘅福建甫田米絲，口感似台式新竹米粉，面頭有用咗西班牙黑毛豬火腿有啲鹹香，米粉裏面有啲芽菜洋蔥及蛋，洋蔥嘅甜味非常突出。最後係爆漿嘅湯圓，黑芝麻餡非常容易
海椰皇仔燉鷓鴣黑毛豚肉湯，打開個蓋見到用了十足，有成隻鷓鴣喺裏面及其他嘅配料。
個湯頭非常之清澈又清甜，有少少鷓鴣味，但係一啲都唔燥，夏天飲都覺得幾清潤。配料點埋豉油食，都覺得好食，唔知係咪心理關係，黑毛豬肉入口真係冇咁燥。
椒鹽豬肺，平時飲湯就食豬肺，今次變咗椒鹽比較香口，咬開外皮少少煙韌，口感不錯。
油浸馬友魚，整條魚外皮都炸到香脆，非常香口，魚皮有少少鹽醃過，所以又香脆又好味，馬油魚肉多油份又甘香。
江南百花雞，出名嘅手工菜係雞肉去骨煎釀入蝦餃，又要煎又要煮又油泡，食落去外皮香脆似炸子雞，咬開雞肉粉嫩配合埋花膠，口感彈牙，雞肉滲出海鮮蝦味，味道幾特別，點埋旁邊嘅冰梅漿，甜甜酸酸可以減去油膩感。
蟹黃瑤柱菠菜，西餐賣相嘅上碟，上面淋上蟹膏蟹肉，蟹膏蟹肉再多啲味道會出色。
家鄉炒米線，比米粉更幼嘅福建甫田米絲，口感似台式新竹米粉，面頭有用咗西班牙黑毛豬火腿有啲鹹香，米粉裏面有啲芽菜洋蔥及蛋，洋蔥嘅甜味非常突出。
最後係爆漿嘅湯圓，黑芝麻餡非常容易爆開，朋友咬一小口，芝麻醬已經噴晒出嚟，所以食嘅時候要非常小心。
整體菜式有心思，材料配搭幾新鮮，材料中西合璧，見到喺門口推介唔同類型進口嘅雞及豬肉等食材，就知道店主對食材要幾高。
张贴
