大班Friends (已結業)

今次叫左星期六既日餐:鮮茄斑腩飯配奶茶($39);翡翠雲耳豬頸肉($55)配套餐(加$10，配白飯加熱飲)。鮮茄斑腩飯，意想唔到咁難食，番茄好生，冇乜煮過，有些少紅椒，配上酸甜排骨既汁，好酸，同番茄好唔夾，斑腩炸得太乾太硬，各有各既味，完全唔合格。本身諗住佢會用番茄煮成茄醬或用現成茄醬配鮮茄，再配埋斑腩，應該會幾惹味同開胃，所以先試下叫呢個餐，點知煮到咁，真係大跌眼鏡，完全係意料之外咁難食。翡翠雲耳豬頸肉，即西芹洋蔥木耳豬頸肉，整碟食材尚算新鮮，而且幾惹味，送飯一流，不過芡汁較厚。職員遞上熱奶茶時講左句"小心熱呀"，幾細心。呢間茶餐廳燈光好明亮，整體環境舒服乾淨，可惜內冇設洗手間。餐款缺少左2人餐及4人餐配搭，宜改善。每碟菜要轉套餐都要加$10，每碟菜平均要$60，另加$轉餐，就有點貴，不過轉餐既餸，量冇減少。是日套餐質素好參差，鮮茄斑腩以後唔會再試，一次難忘。