大班Friends

平日放假，我比較喜歡吃下午茶代替午餐，今日唔算好肚餓，打算吃個輕便的下午茶餐。大班Friend的茶餐選擇都算多，差不多有三十款，想吃得飽肚點，可以揀炒粉麵飯，鍾意食小食的，可以揀雞脾/雞翼/吉列魚柳/吉列豬扒配沙律或薯條，仲有三文治/多款牛角包/熱狗，想食濕濕地嘅，有湯粉麵添。我平時都係食花生醬西多士，難得在大班Friend見到有芝士火腿西多士，當然要試下啦。這裡上菜速度真係好快, 一份芝士火腿西多士不用十分鐘便送上，炸得黃金色的西多士，上面加上一大片牛油，賣相十分不錯。 趁熱將牛油快手塗滿整份西多士，牛油香味即時聞得到，把厚身嘅西多士切開成9個小方塊，看到内裡溶化了的芝士像流心似的，緩緩地渗出來。再淋上適量的糖漿，小小甜小小咸，極之美味。吃完這份邪惡嘅西多士，飲番杯熱檸水，可去掉油膩感之餘，又可減低罪惡感。…查看更多

呢間有每月精選常餐日日唔同今日係13號咁我唯有簡比較岩我胃口既有葡汁焗雞球飯焗飯味道唔錯而且有放埋芝士一齊焗葡汁夠我用嚟撈飯雞都幾滑不過有d有筋食果陣要小心至於我杯熱檸水有4塊檸檬係其他茶餐廳未必有咁多連熱飲埋單$42算幾好啦…查看更多

兩公婆唔想煮飯, 點算好呢? 唯有喺附近商場搵食 入到黎搵位都唔算難, 好快就搵到位坐。叫左兩個小菜, 跟餐有白飯, 湯/飲品。我地兩個都揀左飲品。 我嗰杯係熱華田, 老公就叫左熱奶茶。豆腐枝竹班腩煲, 唔會過咸, 枝竹豆腐都入味, 整體OK。我個人就覺得枝竹可以腍多少少。時菜炒肉片, D菜好粗不過以呢個SIZE, 都唔算好老。肉片都係大大塊, 個菜係炒得幾香口, 不過油左D。…查看更多

沒事幹的早上，我又決定來到藍田找地方食早餐，這一次，我覺得需要離開地鐵站旁的那一個商場，於是，就一直往山上走。搭了一層又一層的扶手電梯，才知道，藍田山上的屋苑屋邨，原來是那麼高的。好不容易上到來，不想入屋邨商場的我看看路邊有什麼地鋪會提供早餐服務，看了幾看，看見這一家名字會令人開心的《大班 friends》，看得開心，當然要入來，輕輕快快地，食個早餐。這《大班 friends》，的確是一個 大班 friends 聚會之地，原因就是地方夠晒大，大到幾乎可以係度擺酒。若是這一個場改成一間酒樓仔，的確是有足夠的地方去做。在外的早餐，公仔麵是一個最不錯的選擇，是日來了一個雞扒公仔麵，原條的雞扒，香煎至皮脆，入口亦帶有可愛的蜜味，雞肉香，帶少少甜，非常之可口，再者，湯底是有味的，有雞粉的味，是一個用了心思去製作的早餐麵食。這兒的奶茶卻只是一般般，茶雖濃，但奶味未如理想，一口便知道這茶，唔係幾得。很簡單，很快的一個早餐，食物不錯但奶茶一般，不能給太高的分數。…查看更多

今次叫左星期六既日餐:鮮茄斑腩飯配奶茶($39);翡翠雲耳豬頸肉($55)配套餐(加$10，配白飯加熱飲)。鮮茄斑腩飯，意想唔到咁難食，番茄好生，冇乜煮過，有些少紅椒，配上酸甜排骨既汁，好酸，同番茄好唔夾，斑腩炸得太乾太硬，各有各既味，完全唔合格。本身諗住佢會用番茄煮成茄醬或用現成茄醬配鮮茄，再配埋斑腩，應該會幾惹味同開胃，所以先試下叫呢個餐，點知煮到咁，真係大跌眼鏡，完全係意料之外咁難食。翡翠雲耳豬頸肉，即西芹洋蔥木耳豬頸肉，整碟食材尚算新鮮，而且幾惹味，送飯一流，不過芡汁較厚。職員遞上熱奶茶時講左句"小心熱呀"，幾細心。呢間茶餐廳燈光好明亮，整體環境舒服乾淨，可惜內冇設洗手間。餐款缺少左2人餐及4人餐配搭，宜改善。每碟菜要轉套餐都要加$10，每碟菜平均要$60，另加$轉餐，就有點貴，不過轉餐既餸，量冇減少。是日套餐質素好參差，鮮茄斑腩以後唔會再試，一次難忘。…查看更多

藍田晚餐其中一個的好地方,我會選 ♥ 大班Friends ♥當PIZZA HUT/壽司/米線通通不想吃,或是厭了想吃點米飯的時候, 大班Friends 就可以吃到中式的家食便飯.地方寬敞, 時常滿座的. 職員人很好和細心, 即使是碟頭飯,也會為你下單時做點功夫,把汁送和飯分開. 小妹很欣賞**是日晚餐我點了魷魚蒸肉餅飯,配上西湯(羅宋湯) $34飯的份量很多, 下次可叫少飯,以免浪費羅宋湯內的配料很足, 味道酸酸甜甜,不會過酸, 味道剛好. 配料有蘿蔔,菜,薯仔等, 開胃醒神魷魚蒸肉餅一整碟份量也是很多. 魷魚新鮮,肉餅厚度較簿身, 如厚身點相信口感會更好. 肉餅則吃不出新鮮肉味道, 不過不失, 口感略欠.爸爸點的是鮮茄班腩飯 $34新鮮蓄茄,爸爸吃的好開胃!整碟飯也吃掉! 班腩量多,粉漿不厚, 口感有彈性,亦有魚肉感.味道很不錯!!爸爸選了跟中湯,另加一大碗中湯$10. 這裡的中湯標榜不加味精, 我只覺得很好喝! 一大一小湯最後也喝光!!是晚的中湯是西洋菜湯, 清甜,喝後也不覺需要再飲水! 不錯的湯水*…查看更多

*來到剛好兩點鬆,派下午茶餐牌,叫了碟干炒牛河跟凍奶茶(+$2)*炒牛河 明顯是下午茶份量'偏細',而且唔夠鑊氣 不理想河粉 炒得乾身,味道甜而不咸 加上辣醬吊味 算可以牛肉 看出四大塊,入口軟熟,味道正常 可以配料 有少量蔥段,及數條芽菜仔 不慷慨凍奶茶 夠凍,欠缺茶味,似糖水加奶 麻麻地…查看更多

位於馬會投注站旁邊，撞岩今日禮拜三應該係跑馬日，所以有好多壯男客。餐廳服務值得一讚，雖然一入到去已經有位坐低左，但係知道我地兩個人想轉卡位闊落 D，一有卡位埋單就即刻主動提我地換卡位坐，今時今日咁o既服務態度真係非常值得一讚。餐廳內夠光猛，環境尚算衛生。食物方面，叫左一個西炒飯跟中湯同一個焗豬扒飯跟菜蜜，味道尚算不錯，焗豬扒飯個飯底炒得幾香，只係略嫌個番茄汁有 D 鹹。而個西炒飯都炒得算 OK。個人認為咁o既價錢都算抵食 (計埋公眾假期加一蚊後)。淨係服務態度咁好，都一定會有下次啦!…查看更多

星期日獨自一人行完山黎到啟田商場地下，入去大班Friends 休息下連午飯 呢間茶餐廳算大間，感覺都光鮮多人。我點左個常餐 - 黑椒雞扒火腿飯 加 凍 Lemon Tea 黑椒汁非常"野"味，甜甜辣辣，不太稀，正 ，雞扒火腿都煎得香同入味，但唯一不滿係雞扒得一少塊及末停乾油便上碟，令到一少邊飯吃不下呢 。 奇怪點解星期天d飯餐要多加$2呢(成6%架)？如果keep住$34飯加飲品會合理些少！味道行先 -- 唔差，可以再試 :)…查看更多

自從由北角搬左去調景嶺,想食餐好的茶記簡直係妄想...但係真係冇理由次次都搭20蚊地鐵返北角食TEA啩... 放假決定搵搵OPENRICE, 見到依間藍田茶記8-0, 應該都可以啩.. 專登過來一試..下午茶唔算多人.. 唔駛等位... 阿姐SERVICE態度幾好,好快手~有$18個下午茶不過我冇要... 要左蕃茄湯底豬扒面... 好味~!!! 湯底仲有薯仔GA!!!! 驚喜~其他包括凍啡... 菠蘿油.. 都幾好~!! 一定有下次~ :)…查看更多

藍田茶餐廳大班Friends樓底幾高夠光猛, 座位寬敞又闊落, 環境好舒服!我們鍾意食炸雞翼+豬扒包, 老爸鍾意食牛河我們點了3個下午茶： 1) 豬仔包餐+紅豆冰 - 非常可口2) 炸雞翼薯條餐+阿華田忌廉冰 - 雞翼炸得好香, 忌廉好香滑3) 乾炒牛河+奶茶 -乾炒牛河炒得有鑊氣，炒得非常乾身， 唔似一般茶餐廳咁油淋淋，值得一讚。總括而言, 價錢合理, 食物亦相當有水準, 十分滿意。…查看更多

3/2(三) 8pmW小姐於澳洲逗留了九個月後始回港.兼職後,跟她於友人推介的"大班"飯聚.我倆點了滑蛋粟米斑塊$4x,揚州炒飯$45及油菜$12.餐湯--一中一西的餐湯,以蕃茄牛腩湯比雪梨無花果煲豬骨湯較搶味,蕃茄湯味道濃烈,而無花果湯滑蛋粟米斑塊--炸漿過甚,肉質欠鮮的斑塊不甚討好.其滑蛋粟米汁也不夠稠密.揚州炒飯--蜆肉,蝦仁,蟹柳,冬菇,翠玉瓜粒勾芡及加炒飯底,中規中矩之作!油菜--要了芥蘭,份量的骰,味道平凡.侍應挺熱誠有禮的,唯出品跟價格不成正比!…查看更多

早幾日行過去食, 兩個人叫左3樣野，其中一樣幾特別，就係：紅豆冰+奶茶見到隔離有人叫左, 我都未聽過紅豆冰可以溝奶茶。我本來都以為會好甜, 但係個待應話唔會,所以就叫左杯試下。佢無普通奶茶咁甜, 飲到奶茶的香味,杯茶濃淡適中，飲完條(利)唔鞋， 咬落又有一粒粒的紅豆香, 但又無珍珠咁大粒，紅豆煮到剛剛好，無起沙，唔會搞到茶杯底一 pat pat；屬驚喜之作, 值得推薦。沙嗲牛肉+出前一叮配番茄湯底沙嗲牛肉無乜特別但番茄湯底就好得, 味精唔重之餘又有番茄的鮮味，食完仲完全唔會口渴，我仲連個湯底都飲埋，出前一叮煮得唔過淋有咬口, 唔錯!屋企食唔到, 值得出街食, 可惜太好食唔記得左影相。乾炒牛河乾炒牛河炒得有鑊氣之餘, 牛肉都唔差, 個河粉彈口之餘又唔會一舊舊，整體上唔錯，不過唔算有驚喜。總結：跟餐叫的話, 一個乾炒牛河配紅豆冰+奶茶都只係$35, 地方乾淨, d野又有驚喜, 會再去。個紅豆冰奶茶，夠特別，仲得一試。番茄湯底出前一丁，好正，不過下次唔配沙嗲牛，改要其他配搭，免得朕沙嗲味影響個湯底。如果個湯有得淨飲就仲正。至於炒物，水平算係咁。 …查看更多

今日食左個乾炒牛河~~跟餐送湯~另外加左杯柯華田紅豆冰~~~個乾炒牛河炒得唔錯~好有獲氣~~~~~:)見到有柯華田紅豆冰..於是叫一杯try 下~味道ok..不過d 紅豆唔夠"林"..硬左少少~~~~overall 都唔錯gei..服務都ok~有機會會再黎~…查看更多

周日諗住同老豆去啟田美心食翅，點知佢死都話唔去，係都要同我去呢間野食飯﹗來到都未坐定佢就行左去隔離馬會，原來賽馬仲有尾場，仆到咁去買埋先，怪不得有翅唔食要食大班friend啦，馬會的吸引力真係大﹗當然最後都係輸埋，專心一點食飯，叫了個枝竹豆腐班腩煲，仲有西檸軟雞兩個餸都包飲品及白飯一個，四十幾蚊一個套餐都幾抵食﹗餸菜相當大碟，尤其係個西檸雞，直頭有成半隻雞咁款，咬落外脆內軟，即叫即做，不過個汁就酸得濟有少少煲喉，可以較得甜番少少﹗班腩煲0的炸班塊仲多過豆腐，老豆吃得相當開胃，我就當然滿意﹗最後兩個人竟然食唔哂兩個餸，可知有幾大碟，呢間野已成為老豆新寵，以後睇黎有排試﹗…查看更多