金記冰室 (香港仔中心3期)

营业中

休息中

鐵板美式什扒💲98＋凍檸水💲3包括有牛扒、豬扒、雞扒、腸仔、煙肉配蒜蓉汁 和 白飯，跟餐仲有湯送，不過蘿送湯咸左少少。上菜時鐵板熱辣辣、咋咋聲、出曬煙，好好火喉；雞扒肉質超嫩滑，咬落仲好juicy，外皮好香脆可口😋；豬扒超大塊，咬落啖啖肉好肥美👍🏻腸仔都好有心思，開了花紋。 地道霸王雞例牌💲68依例牌比例嚟講，雞嘅份量都算唔錯，雞肉肥瘦分佈平均，有啲位好滑，但有啲位係雞胸，調味非常足夠，食得好滋味。 XO醬蝦球炒西蘭花💲70Xo醬咸咸地又有少少辣，配上西蘭花和蝦球 炒得好惹味，西蘭花爽脆，蝦球好彈牙，食得出食材有質素👍🏼。 唯獨是二人的座位比較窄小， 位置不太足夠 去放食物。