影片
更多
2018-04-10
336 浏览
中菜酒樓食唔少，屋企人都至鐘意。富臨都係常去酒樓之一，富臨薈新開？好似不錯環境就入嚟啦。環境好新派，地都係有心思pattern。好多鳥籠，唔通暗示我地要叫鳥籠style既動物農莊拼盤？咁就要一個啦！小食 醉鴨胸上枱味道不大，心諗係咪伏，西餐鴨胸就好食。杞子弱弱酸，好食啦。夾起見到鴨胸都幾大件，加返分。一咬見水！呀，唔係！係出酒！好大量酒，好心頭係鴨胸之中。食完有少少酒味係嘴，唔算重酒，可能輕手落酒更岩一家老小食。之後發現食多幾件就發現酒香岩岩好既，哈哈。點心 動物農莊拼盤，當中包括天鵝金枕酥、棉花小白兔、紅豆紅蘿蔔、鹹水角小雞、有雞先定有蛋先和箭豬叉燒包。全部都好可愛呀，唔捨得食佢地。怎可以吃兔兔呢？天鵝金枕酥好好味，榴連容，正爆醬！好濃榴連，仲要配天鵝身既酥形。個芝麻底脆脆地，讚呀。棉花小白兔係白椰絲棉花糖，傳統點心。細個時常見，近年少見左。多多椰絲為棉花糖添粗糙感，甜甜地，小朋友應該會好鐘意。紅豆紅蘿蔔比小白兔更甜，外皮酥彈。頭係中式芫茜，超草菁。鹹水角小雞非常可愛，用杏片做小嘴小手腳。金黃色外皮，煙un可加，內料新鮮菇肉軟棉棉。蛋是楊枝甘露，凍凍的好香甜。小小份量過口引又健康。箭
中菜酒樓食唔少，屋企人都至鐘意。富臨都係常去酒樓之一，富臨薈新開？好似不錯環境就入嚟啦。
環境好新派，地都係有心思pattern。好多鳥籠，唔通暗示我地要叫鳥籠style既動物農莊拼盤？咁就要一個啦！
小食 醉鴨胸上枱味道不大，心諗係咪伏，西餐鴨胸就好食。杞子弱弱酸，好食啦。
夾起見到鴨胸都幾大件，加返分。一咬見水！呀，唔係！係出酒！好大量酒，好心頭係鴨胸之中。食完有少少酒味係嘴，唔算重酒，可能輕手落酒更岩一家老小食。之後發現食多幾件就發現酒香岩岩好既，哈哈。
點心 動物農莊拼盤，當中包括天鵝金枕酥、棉花小白兔、紅豆紅蘿蔔、鹹水角小雞、有雞先定有蛋先和箭豬叉燒包。全部都好可愛呀，唔捨得食佢地。怎可以吃兔兔呢？天鵝金枕酥好好味，榴連容，正爆醬！好濃榴連，仲要配天鵝身既酥形。個芝麻底脆脆地，讚呀。
棉花小白兔係白椰絲棉花糖，傳統點心。細個時常見，近年少見左。多多椰絲為棉花糖添粗糙感，甜甜地，小朋友應該會好鐘意。
紅豆紅蘿蔔比小白兔更甜，外皮酥彈。頭係中式芫茜，超草菁。
鹹水角小雞非常可愛，用杏片做小嘴小手腳。金黃色外皮，煙un可加，內料新鮮菇肉軟棉棉。蛋是楊枝甘露，凍凍的好香甜。小小份量過口引又健康。箭豬叉燒包都好可愛，炸饅頭咁。
主菜 豆酥鱈魚點會放過油份高的鱈魚，魚皮好油好juicy，魚肉好白好嫩。魚肉一片片，易去骨。本身魚肉清淡，配上炸蒜豆酥就唔同了，味道強勢好多。
故宮東坡肉有點酒的感覺~ 外形似小啡紅磚。厚豬皮多骨膠原！豬肉就軟林入味，又無太咸。配飯食會開心啲。
紅蟳米糕份量大，膏蟹特別香海鮮味。蟹肉算鮮甜，特別蟹腳帶膏的位置，有啖啖肉之感覺。蟹蓋加飯一流，再加上少少豉油增惹味，糯米飯都食多兩啖。
糯米飯係珍珠雞大個size，台灣做法咁。有香菇肉碎，好味又帶口感，Q彈牙的！仲有土魷在內。幾新穎既中餐酒樓，點心都有好多得意款。
四季戀人西柚汁好清新，草莓甜甜的。比較鐘意依個呀，好開胃同粉紅 紅色咁靚呀。藍色多腦河莓子味飲品，茶底都濃同帶甜。好味，味道集中過四季戀人。
张贴
