大瀛喜日本料理 (已結業)

平時食野吾知想食乜嘅時候，都喜歡去食放題，今晚都係，今次食大灜喜。都算幾多野食！先嚟刺身，嗌左三文魚，帶子，大蝦等等！都好新鮮！同埋上碟好美觀，有吾少花作配襯，好靚，因為太肚餓冇影到相！其次想介紹一下menu第一頁的“免費星級海鮮宴”，有好多選擇，黃金炒海蝦，大灜喜炒辣蟹，大灜喜鮑魚龍蝦粥，韓式炒羽龍蝦仔，特式焗扇貝，辣酒煮東風螺！因為係每日限量，建議一早就嗌，最後我只有一樣冇得食，就係黃金炒海蝦，不過其他都好好食！辣蟹炸完再炒，好香口很脆，吾會太辣，而螺好大隻，都辣辣地，不過因為辣先夠正，焗扇貝都好好食，我total食左四隻！其餘比較特別又好味嘅有，龍蝦湯，鮮甜吾會咸，少少creamy好飲，同埋流心一口芝士都好食，因為外面脆卜卜，入面好熱，又流心，芝士味重，又少少咸，好岩我！其次蟹肉忌廉薯餅！好香蟹味，本身自己都很喜歡薯餅，加埋忌廉creamy又熱！外面又脆！如果外面街有得買就好！好食，一定要試！其他都好多野食，例如很多火灸壽司，手卷，羊架，牛肋骨，天婦羅，雞軟骨串，燒菠蘿，牛乳雜茶煱物等，太多了，數吾岩，冇一樣令我失望。而服務方面，上碟快，冇漏單，同我覺得一讚係會主動幫我換碟！吾錯