影片
更多
2010-12-12
15 浏览
尋日(11-12-2010 Sat)朝,同男友食個早餐又去北角整o野.原本帶佢去小倆口食,點知條巷掘路,男友唔想o係沙塵滾滾下食,於是離開搵第二間.沿德華街行返,我問係咪食粥?佢答是但,我見到呢間,話不如試呢間.佢又答冇所謂,咁就入去啦.都11:00am喇,諗住已經冇早餐食,點知重有,係做到11:30am.於是我要個$20.00煎豬扒,蛋,牛油方包同火腿通粉o既早餐,加$2.00要凍奶茶.男友要$17.00o既腸粉拼魚肉燒賣,要豆漿.之後又揀o係門口賣o既糕點,要眉豆茶粿,砵仔糕同花生糯米糍各一,共$9.00.我o既火腿通粉到o黎,o既竟然用碗仔裝,重要冇畀西式湯匙同叉,算吧啦,用中式吧.湯味好夠,火腿通都冇問題啦.而男友o既腸粉拼魚肉燒賣都冇乜問題,我o既豬扒軟腍腍,不過冇乜味,方包又夠鬆軟.凍奶茶茶味都夠o既.而男友o既豆漿我冇飲到,佢話唔太甜.之於男友點o既糕點呢,熱食o既砵仔糕同眉豆茶粿,砵仔糕算多豆,唔太甜,暖暖地,唔錯.眉豆茶粿內o既眉豆都好足好蓉,亦唔錯.最後係花生糯米糍,我一啖咬落去都只係糯米皮,自問都唔細啖,糯米皮煙煙韌韌,o趙好耐至可以食有餡o既第二啖,餡係黑色o既
都11:00am喇,諗住已經冇早餐食,點知重有,係做到11:30am.於是我要個$20.00煎豬扒,蛋,牛油方包同火腿通粉o既早餐,加$2.00要凍奶茶.男友要$17.00o既腸粉拼魚肉燒賣,要豆漿.之後又揀o係門口賣o既糕點,要眉豆茶粿,砵仔糕同花生糯米糍各一,共$9.00.
我o既火腿通粉到o黎,o既竟然用碗仔裝,重要冇畀西式湯匙同叉,算吧啦,用中式吧.
湯味好夠,火腿通都冇問題啦.而男友o既腸粉拼魚肉燒賣都冇乜問題,我o既豬扒軟腍腍,不過冇乜味,方包又夠鬆軟.凍奶茶茶味都夠o既.而男友o既豆漿我冇飲到,佢話唔太甜.
之於男友點o既糕點呢,熱食o既砵仔糕同眉豆茶粿,砵仔糕算多豆,唔太甜,暖暖地,唔錯.眉豆茶粿內o既眉豆都好足好蓉,亦唔錯.
最後係花生糯米糍,我一啖咬落去都只係糯米皮,自問都唔細啖,糯米皮煙煙韌韌,o趙好耐至可以食有餡o既第二啖,餡係黑色o既,應該係芝麻餡喎,而且我食唔到花生味,但男友話亞姐話係花生糯米糍.呢個都夠甜,唔太差o既.
服務:
唔錯,亞姐上腸粉拼魚肉燒賣時,會連同麻醬,甜醬拎埋o黎.
而拎啲糕點入o黎後,老闆主動幫我o地將花生糯米糍同o個兩樣分開,原來佢叫廚房將o個兩樣蒸翻熱畀我o地食,好體貼呢.
亞姐所有糕點都係佢o地自己做.
张贴
