圃公館 (已結業)

人越大，食飯越追求舒適環境，畢竟辛苦工作都係搵兩餐，當然要對自己好啲。上次因為去過旁邊既餐廳食飯所以認識到呢間中菜火鍋店，位於酒店內環境確實非常舒適寧靜，係同朋友家人歡聚享受既好地方。《蝦兵蟹將鍋 $288》打開餐牌，最吸引我既係蝦兵蟹將鍋！有別於平日既火鍋湯底，呢個係乾鍋，可以先享用炒得好香既海鮮，例如蟹、蝦、青口等等，食到差不多先叫侍應加湯。不得不讚海鮮真係炒得非常惹味，味帶微辣，令人有食完又想再食既衝動！$288有一煲兩食既作用，值得既！火鍋調味《本地牛頸脊(大) $408》見到呢份超肥美既牛頸脊，真係心情變得好愉快！牛頸脊既好處係肉味夠濃而帶油花，咬起來有口感而充滿肉汁，非常好味！《特色四色丸 $128》四色丸係我食過最有質素嘅一次，呢間每一款丸既味道都好鮮明突出，而且粒粒都好彈牙，尤其是蝦丸，蝦嘅鮮味真係令人難忘！《鮮淮山 $48》淮山對身體有益，難得呢間有得食，當然要點啦！煮淋左嘅淮山質感就好似芋頭，粉粉地，容易入口。《炸響鈴 $68》打邊爐點可以冇響鈴！《花膠 $128》《牛柏葉 $68》人均：$500————————