影片
更多
2009-08-13
36 浏览
由於個個星期三晚都會在葵芳新都會辦公樓聚會，散會後周圍一帶既食肆基本都食勻晒，於是就時不時想搵ｄ未食過既食肆。咁岩過去個星期二開會，之後大家就搵野食，有個同伴因為唔舒服無胃口想食焗豬飯，搵黎搵去就搵到呢間係葵涌商場一樓既新釗記。 入到去，睇餐牌，就點左一個焗豬（講真個焗豬就只係麻麻，所以第二日個朋友仔就轉叫焗長通，聞說都幾好味），其餘五人都叫左鐵板扒餐。由於考慮到茶餐廳整扒唔會太理個火候，可能煎太熟，所以一眾人都order ２～３成既扒（隔離唔知路，聽到都以為我地茹毛飲血）。其實個落單哥哥都好盞鬼，問佢幾成熟準唔準嫁，佢話「斷估嫁咋」，佢斷估整我地斷估叫。哈，估唔到又真係比我地撞彩，雖然２成熟就已經medium，３成熟已經六七成熟，不過口感都岩岩好，中間有少少紅，又不會太韌，扒雖然係雪凍扒，但個汁整得好好（有黑椒﹑洋蔥﹑蒜茸等），完全食唔出雪味。 另外值得留意既係，跟扒佢可配飯﹑意粉﹑薯菜，初時以為同第ｄ餐廳一樣，係是但一樣，但原來係你點邊樣都會有薯菜跟埋，只係你單叫跟薯菜就無第ｄ，呢個就適合胃口唔同既人士選擇。同埋佢薯菜中既番茄係整隻去頭尾，都幾大隻，唔會似大ｘ樂果ｄ得幾瓣，
入到去，睇餐牌，就點左一個焗豬（講真個焗豬就只係麻麻，所以第二日個朋友仔就轉叫焗長通，聞說都幾好味），其餘五人都叫左鐵板扒餐。由於考慮到茶餐廳整扒唔會太理個火候，可能煎太熟，所以一眾人都order ２～３成既扒（隔離唔知路，聽到都以為我地茹毛飲血）。其實個落單哥哥都好盞鬼，問佢幾成熟準唔準嫁，佢話「斷估嫁咋」，佢斷估整我地斷估叫。哈，估唔到又真係比我地撞彩，雖然２成熟就已經medium，３成熟已經六七成熟，不過口感都岩岩好，中間有少少紅，又不會太韌，扒雖然係雪凍扒，但個汁整得好好（有黑椒﹑洋蔥﹑蒜茸等），完全食唔出雪味。
另外值得留意既係，跟扒佢可配飯﹑意粉﹑薯菜，初時以為同第ｄ餐廳一樣，係是但一樣，但原來係你點邊樣都會有薯菜跟埋，只係你單叫跟薯菜就無第ｄ，呢個就適合胃口唔同既人士選擇。同埋佢薯菜中既番茄係整隻去頭尾，都幾大隻，唔會似大ｘ樂果ｄ得幾瓣，加埋ｄ西蘭花佢係灼熟左先上鐵板，唔似第ｄ就咁生既擺上面，食果時撈下ｄ汁都幾好味。
見先前既食評有話服務員態度唔好，串，其實呢ｄ都睇人既，多一份包容心態同多一分幽默，自己天下太平喇，right?
故仔未講完，事關星期二開完會星期三又要regular聚會，散會後有人提議再去番新釗記，平時隔一個星期都未必願意食番同一間，今次竟然無人反對，再次七個人踩上去，又係同一個哥哥落單，上鐵板時個哥哥都好周到，將個餐擺住係隔離台，等ｄ煙無「咋」到咁濃先拎上黎，費事整污漕大家ｄ衫呀麻！
主要食過既扒係西冷同埋牛柳，但都推介西冷，貪佢肉身稔ｄ，唔會咁易整到好老好韌，就算烹調水平次一級，都有肉身自己保險呀麻！聽朋友講番，呢間ｄ扒餐整得好味過樓下紅ｘ林既扒，雖然佢地扒靚ｄ，但就整得太差。
餐廳內主要都係卡位，四人一台，但如果多於四人少於八人，可在較閒的時段去，哥哥會主動幫大家泊台。多於八人，就唔知喇，可以試下，同ｄ哥哥吹下水，打下牙較。
鐵板扒餐$50跟熱茶啡，凍飲+$2，特飲+$3。
张贴