影片
晚上去左葵芳葵涌广场发现好多间多年嘅餐厅食肆都唔见左，有d就转左铺位，有d就围左板唔知会再开返咩铺，睇黎我真系好耐冇行葵广啦！🤗🤗这间‘新钊记’就系由一楼搬到地下，但我一次都冇食过系因为葵广实在有太多选择，扫街都饱左9成，咁见佢搬左就决定试下佢！‘味菜牛柳丝炆鸳鸯米’见到个名几得意，咩野系鸳鸯米呢？米系代表米饭🍚定系米粉🍜呢？即刻开估！😂😂原来系米粉炒粉丝🧐🧐，佢系属于湿炒个只，味道带甜都几开胃，牛柳丝都唔丝下应该叫牛柳条咁至啱，不过大条系冇用嘅入口偏硬要𡁻多几下先吞到🙁🙁‘意式焗肠仔肉酱意粉’🍝睇落卖相唔错，但唔好比佢个样呃到，捞匀后色水好浅、肠仔又细又少、肉酱又冇肉味、酱汁又唔多，感觉似用水沟稀左咁!同时又好干😵😵唔好食😔😔间铺全场都坐满客，周边客人都系叫小炒多，厨房不停传出厨师落镬炒𩠌声，可能呢间真系炒菜较出色呢🤔🤔
继续阅读
行葵涌广场行到夜晚8点，攰攰地，自己一条友就去咗广场地下呢间茶餐厅"新钊记”食饭。我叫咗个菠萝鸡粒炒饭，期间已经见隔离枱阿伯催个伙计，问佢碟饭嚟未，坐我对面个男仔又问佢碟炒乌冬嚟未，个伙计例牌敷衍叫佢地等下。结果我等咗20分钟，都忍唔住催个伙计，佢又系谂都唔谂，串串咀话炒饭系要耐啲㗎啦，你等下啦。佢连扮入厨房问厨师都费事。好，我又等，等多10分钟，真系火都嚟，谂住走人。我就同伙计讲如果碟饭仲未炒就同我取消张单，个伙计又喺度苦苦哀求我等多1分钟😪5分钟后，千呼万唤，碟炒饭终于嚟啦~唉，我等咗咁耐饿到死，已经唔理碟炒饭好唔好食(饭太湿了🤕🤮)。喺一间普通茶餐厅都等35分钟，好命啲去隔离啲茶记都已经食完埋单走咗啦，再好命啲去新都会广场嘅餐厅食饭嘅话都食到一半啦。本身去得茶记都唔指望嘢食会好好食，环境会好舒适，但系连最基本嘅上菜时间都掌握唔到，侍应态度又懒散恶劣，点做生意呀？新钊记，估唔到我第一次劣评会奉献咗俾你😡各位朋友，想去呢间茶记食嘅话，要有等十世嘅心理准备！😌
继续阅读
早餐睇餐牌丰富谂住试下。坐底叫侍应埋黎己经黑口黑面。落完单谂住安全，点知有两个新请类似洗碗亚姐既做楼上送餐，完全唔熟识枱号乱咁送餐，错漏百出 。送错黎仲要好似想话我叫错餐咁既态度。。。最后我净系食左个奄烈同多士就埋单走，个沙嗲牛肉面我都无食(因为果个新嚟亚姐将我碗牛肉面乱送去其他枱号，现在肺炎期间卫生问题我都费事同佢地理论）总结来说服务态度同乱咁嚟系己经令我真系唔会再去。香港疫情咁严峻餐厅再用呢种态度对待客人真系提早玩完。
继续阅读
葵涌区工作嘅饭堂，价钱中上，胜在选择多，一班同事去，一定揾到自己啱食嘅嘢。午餐下午茶选择好多，炒小菜，碟头饭，茶餐汤粉面，乜嘢都有。午餐， set咗每个月每一周有乜嘢选择，有饭有粉面有焗饭，有蒸饭，有中有西，所以每个人都会揾到自己想食嘅嘢，大家唔使迁就。炒野，水准一向都keep到，试过食公仔面，出前一丁，应该正正常常，有时候会失手淡而无味。唯一不满，座位相当逼夹，卡位又细又狭窄，但系又要两个成年人迫埋一齐，两个人基本上连筷子都拎唔起，膝头哥又同对面𠮶个茶客迫埋一齐，食得唔安落。肥佬老板一啲都唔宽容，懒理你系咪熟客，成日有位都唔俾你坐系都要你哋迫埋一齐。
继续阅读
新钊记茶餐厅葵芳葵富路7号葵涌广场1楼B93号舖当自己一个人开餐既时候，最钟意就系帮衬茶餐厅，因为快靓正，而且自己一个人入去食都唔会觉得尴尬今日收工黎左葵芳买嘢，所以就顺便系葵涌广场入面揾食，行左两个圈最后都系拣左呢间新钊记茶餐厅黎讲呢到都算好多选择有特餐快餐，汤炒面，炒粉面，咖喱，焗饭/意粉，汤饭，小菜等等等等即叫即焗，黎到仲系热辣辣架好大块仲要好厚既牛脷，正呀
继续阅读