龍亭

餐廳一目了然，menu有幾款好吸引set，另可以散叫，見到某部分set價錢比較吸引，又唔使自己諗🤣1. *中華沙律*：龍珠果、煙燻三文魚、聖女果加魚子醬黑醋，味道清爽仲帶少少酸甜，好開胃。2. *前菜*：墨西哥玉子豆腐配馬糞海膽同食用菊花，豆腐口感柔滑，海膽鮮味突出，好有層次感。3. *刺身一品*：法國生蠔好大隻厚肉😍鮮甜滋味配搭魚子醬嘅鹹香，好鮮味。4. *鐵板海鮮兩品*：澳洲海膽鮑魚及北海道海膽帶子，2款不同口味的海膽😍配黑松露蘑菇，海鮮滑嫩，松露香氣濃郁。5. *焦糖鵝肝多士*：焦糖甜味帶出鵝肝濃郁香滑，中間夾著菠蘿醬絕對係必試招牌。6. *美國安格斯牛薄卷燒*：牛肉嫩滑，配珍珠筍、意大利黃瓜及鵪鶉蛋蘑菇，健康又滋味，睇住燒到火光熊熊大家拿手機拍攝啦😆7. *花膠藥膳燉湯*：藥膳濃郁，燉得足夠入味，滋補效果明顯。8. *海鮮炒飯*：米飯炒得香口粒粒分明，帶有海鮮鮮甜味道，煎香蘭王蛋好滿足，由於我都吃飽了，我分享一半飯俾男朋友食🤣留返個胃吃甜品🥰9. *甜品*：檸檬、柚子、菠蘿雪葩配馬糞海膽，清新解膩。為全晚完美ending。