The Joomak (已結業)

病左一個星期，感恩胃口慢慢回復，至少有肚餓的感覺！今日食清d，食下韓式素菜！和好朋友的飯聚，再一次的韓國菜，我地常常的聚會都係以韓國菜為中心。今次去左尖沙咀LCX的The Joomak! The Joomak除左個無敵大海景之外，我最鍾意就係呢大半年都有推的韓式素菜, 又健康！又特別！羽衣甘藍煎餅好香口，幾乎每枱客人都有叫，可見都好受歡迎。加埋我今次的新寵兒，健營藜麥沙律，材料有牛油果，菠菜苗，火箭菜，藜麥，驚太過青仲有芒果添，配上海量的綠色，腸胃大人表示好正！為左不要令朋友無癮，都叫左一碟韓式烤牛肉。都好嫩，又香口，送飯一流！