影片
更多
2017-05-27
1267 浏览
一大班人食飯，總離不開中菜，火鍋，中菜，和火鍋。但今日我地想食得清d，但係又要keep住個好味，朋友就提議佐食蒸氣鍋。相約在中「間」點，我們選擇了旺角，最後就揀佐呢間在云云蒸氣鍋店中比較好坐既水上人啦。餐廳位於旺角砵蘭街，位置很方便，到朗豪坊shoppin後，5分鐘內便可以到達。步進餐廳，時間大約係7點鐘，人流也不算多，可能是天氣開始熱既緣故吧，人們也跑了去吃日本菜？但其實只要餐廳的冷氣夠，火鍋或者蒸氣鍋也可以食得好舒服。大大一個魚缸去養住海鮮，保證夠新鮮，保證夠生猛。餐廳頗大，主要4人是卡位，8－12人就坐大圓枱。裝潢都算幾新，餐廳應該開業不算很久吧，或者係保養得宜？自助醬料部，以供大家自行混醬，炸菜絲，菜甫粒，大頭菜絲，生蒜茸，泰式雞醬，重慶醬，湖南醬，泰式蝦醬，等等。醬料選擇夠多，夠特別，我地好興奮，好熱烈地去混醬，但係其實到最後，都唔係太用到醬料既，所以建議大家唔洗太熱情去混醬，以免浪費。呢個就係蒸氣鍋既主控制台，店員會為你控制，不同的海鮮，set好不同的時間去烹煮。蒸氣鍋賣相獨特。食物選擇非常多，單是海鮮，已超過50款，假如唔想煩，唔想揀的話，就可以選擇食套餐。套餐就有3款，
但今日我地想食得清d，但係又要keep住個好味，朋友就提議佐食蒸氣鍋。
相約在中「間」點，我們選擇了旺角，最後就揀佐呢間在云云蒸氣鍋店中比較好坐既水上人啦。
餐廳位於旺角砵蘭街，位置很方便，到朗豪坊shoppin後，5分鐘內便可以到達。
步進餐廳，時間大約係7點鐘，人流也不算多，可能是天氣開始熱既緣故吧，人們也跑了去吃日本菜？但其實只要餐廳的冷氣夠，火鍋或者蒸氣鍋也可以食得好舒服。
大大一個魚缸去養住海鮮，保證夠新鮮，保證夠生猛。
餐廳頗大，主要4人是卡位，8－12人就坐大圓枱。
裝潢都算幾新，餐廳應該開業不算很久吧，或者係保養得宜？
自助醬料部，以供大家自行混醬，炸菜絲，菜甫粒，大頭菜絲，生蒜茸，泰式雞醬，重慶醬，湖南醬，泰式蝦醬，等等。
醬料選擇夠多，夠特別，我地好興奮，好熱烈地去混醬，但係其實到最後，都唔係太用到醬料既，所以建議大家唔洗太熱情去混醬，以免浪費。
呢個就係蒸氣鍋既主控制台，店員會為你控制，不同的海鮮，set好不同的時間去烹煮。
蒸氣鍋賣相獨特。
食物選擇非常多，單是海鮮，已超過50款，假如唔想煩，唔想揀的話，就可以選擇食套餐。
套餐就有3款，最平既只需＄398，最貴既就＄598，兩位起可以叫套餐，因為我地今日唔算太肚餓，就揀佐最少野食既套餐，雖然話係最少，其實都有成9個courses，一d都唔惹少。
選完野食，就揀飲品，店員提議我地可以揀佢地自家製既涼茶 － 夏枯草，可以清下熱，也是不錯的選擇，我們便卻之不恭了。
夏枯草一大樽，可以倒大約4－5杯，賣$48，幾抵飲，最重要既係唔甜。
套餐首先到場既係南瓜豬筒骨粥的材料，有生米，豬骨，和生南瓜。
店員會為我們開爐，然後全部放落鍋底，用蒸氣將佢生米煮成熟粥。
而在粥的上層，就開始放入不同的海鮮食物。
芒蜆
好大隻，好新鮮。
店員為我們放入蒸鍋，set好時間，我們便等食。
芒蜆食落鮮甜，有海水味，而且每一隻蜆也成功開殼，夠哂完美，每人可以分到6到7隻。
花蛤皇
花蛤食得多，名為花蛤皇，果然非同凡響，分量大過平時的一倍有多。
花蛤肉厚鮮甜夠多汁，不需要外加任何醬料，已經夠哂味，點醬反而會破壞了海鮮本身的味，暴殄天物。
每款海鮮煮好後，我們便慢慢享用美食，有別於之前食過既蒸氣鍋，店員會比足夠既時間你去finish食身物，才開始煮另一款食物，可以食得很輕鬆。
花蛤皇後，來到既係海鮮拼盤，賣相吸引，而且海鮮夠新鮮，上枱既時候仍然在生猛跳動。
美國生蠔
生蠔勁大隻，蒸完之後食仍然鮮甜，但感覺欠缺了生吃那種鮮甜海水味。
黑松露蒸元貝
配有粉絲底。
黑松露不算是突出，而元貝就肉質細嫩，食落清甜爽滑。
南非龍蝦
好大隻，好新鮮，放進蒸鍋時仍然可見她在生猛地手舞足蹈。
每人可以有半隻，開始烹調。
龍蝦已開邊，很容易處理，食落肉質飽滿豐富，啖啖肉，口感極佳。
珠江奄仔蟹
所謂奄仔蟹，就是未經交配的幼年「處蟹」，但看她的氣勢，一點也不小呢。
蒸煮完成，看她的底部便知，兩個字，爆膏，很誇張，蟹肉食落甘香鮮美。
海鮮肉類吃過後，是時候吃一點蔬菜消滯，時蔬可選菜心或娃娃菜，我們選了娃娃菜。
娃娃菜上放了豆瓣醬和肉碎，食落感覺有點像魚香茄子，感覺幾清新。
吃完菜，來到怪味禾豚肉，名為怪味，果然名不虛傳，真的吃不出是甚麼醬料，感覺飲印度咖哩或者沙茶醬，食落唔辣但味濃。
食到7788，最後埋尾既係煮佐好耐既粥底。
南瓜豬筒骨粥，集結了整頓海鮮餐的「精華」而成，這些湯水全部也是海鮮流出的汁，應該鮮味無窮吧！
最後的粥，附有菜甫，茐，和芫茜可供搭配進食。
每樣加少少，粥底沒有想像中的濃味，但係都好好味既，食完立刻飽哂。
最後還有水果作為結尾，很完美。
食足9個courses，海鮮又新鮮大隻，埋單每人都只需$500，真係抵食過自己煮，而且這裡的服務一流，全程店員為你主理，而且不用急不用趕，每一道菜慢慢食都得，唔駛catch佢既蒸氣timer時間，很不錯。
张贴
