Beef & Liberty (加州大廈) (已結業)

估唔到呢間burger舖可以企到宜家小編食呢間野嘅時候咁啱有好多新burger舖開，呢間又好多人講，所以就黎左試。呢度環境唔錯，好大，啲位唔會好迫。但咁樣都彌補唔到呢一餐。小編同朋友叫左一兩個burger，其中一個就要set，有薯條同野飲。成餐個重點就係在於兩個包。食落幾好味，冇乜特別。食完返到屋企想灌幾公升冰水，真係口渴到唔識形容。我地係夜晚食，食完又飽，返到屋企又夜，飲咁多水點訓覺。更重要嘅係無論我食左生果飲左幾多杯水，個口渴嘅感覺係冇停過。平時食左味精，飲兩三杯水頂多個零鐘就完。然後小編從此就black list左呢間餐廳 雖然已經係好耐之前嘅事，唔知佢地宜家有冇轉變，但小編點都唔會再去。