再玩一會 (已結業)

我地book左2000，係set 黎既，已經set好左食咩，當中有一個位係有三款比我地揀，平時睇好似係散叫。個set係有total9款野食，首先上左一份炸雞軟骨，等左一陣先上雞肉丸，又等左一陣先上左幾款，當中有兩款係炸既，味道同質素係唔錯既，肉都好味，店員都有禮貌。不過唔知係咩原因等得有點耐，事後離開後店主都有作出解釋，我地到最後都接受。總結係味道唔錯，服務ok，只係等得耐，可能係想keep反個質素，所以理解。同埋係黃店，希望如果再有機會食可以做到更好。