再玩一會 (已結業)

今次為大家推介旺角呢間良❤️串燒小店，唔單止食材高質有心思，老闆仲好有堅持！得知因為種種原因將會結業，覺得非常可惜😞如果大家有機會同朋友聚會，不妨考慮下黎呢度，幫忙懲罰一下小店🙌🏻極推介呢度嘅美國Prime牛小排同西班牙Bellota純橡果黑毛豚！只係四五十蚊一串，性價比非常高👍🏼其他串燒都一樣咁高質，即叫即燒，一款款咁上台夠晒熱辣辣🍢今日就試咗二人套餐 (價值HK$468)，非常滿足🤩包括：極佳級Prime牛小排、純橡果級黑毛豚梅肉、名古屋錦爽雞肉丸、​​燒芝士竹輪卷、蒜香牛油燒茄子、鹽燒燒翠肉瓜、芝士牛油燒大啡菇、唐掦雞軟骨、北海道蟹肉薯餅、章魚小丸子連飲品～…查看更多

最後召集！！！難得搵到間係旺角好好食既⚠️🟡🟨串燒店，點知業主唔續租，佢就黎結業喇😭大家要把握機會快d去食支持下小店呀食左個二人套餐 (HK$468)，有：極佳級Prime牛小排 x2美國Prime牛小排 牛肉粒 粒粒都好大粒，落超軟熟，燒得岩岩好，牛味濃郁純橡果級黑毛豚梅肉 x2西班牙Bellota純橡果黑毛豚 食落就知係靚肉，用左豬肋條，質感比較爽名古屋錦爽雞肉丸 x2大大粒丸加左適量既調味，大大粒又彈牙燒芝士竹輪卷 x2店員細心提醒會爆汁，要小心d食，一咬開果然有大量芝士酱流出黎，必食呀蒜香牛油燒茄子茄子夠稔，加上真牛油同蒜蓉燒，香口又惹味芝士牛油燒翠肉瓜瓜夠稔好juicy芝士牛油燒大啡菇芝士拉絲做到煙韌口感，菇又厚又大隻唐掦雞軟骨炸到十分香脆，好有口感，撒左小小辣粉更香口北海道蟹肉薯餅薯餅餡軟綿幼滑章魚小丸子搭配沙律醬，芝麻紫菜碎相當夾汽水兩罐款款串燒都即叫即燒，食材新鮮高質，份量又好足，好適合同朋友黎聚會食串燒12月起逢星期一、二，二人套餐享85折！ 記得提早係Openrice 或whatsapp 68885668 訂位呀 💕🍖支持下⚠️🟡🟨店呀。。再玩一會 @regameclub太子西洋菜南街180號捷利大廈1樓B室#再玩一會 #regameclub #旺角美食 #旺角串燒 #日式串燒 #樓上Cafe…查看更多

位處熟悉的旺角，地道環境非常親切，加埋大屏幕聽住歌同朋友chill一流，當日播住Viu tv聽住本地歌感覺好正。地方不算大，勝在不會車水馬龍，唔使急住走，可以同朋友坐成晚。最正係樓下就有通宵小巴；食物是日式串燒配上秘製醬汁，係令人懷念嘅居酒屋味道。最愛係芝士竹輪同丸子。食物全部上到台仲熱辣辣，絕對即燒即上。當晚老闆親自下廚，串串都係老闆精心燒製。聽老闆講可惜因租約問題經營時日無多，趁仲有機會快啲食多次。…查看更多

食物質數高，各樣串燒味道一流，當中最推介雞軟骨、串燒大蘑菇、翠玉瓜同牛小扒！ 相信店長用了高級新鮮食材！ 店長好好人，三五知己聚腳傾計好地方！ 好可惜，聽聞就快結業，誠意推薦各位快去支持下！…查看更多

我地book左2000，係set 黎既，已經set好左食咩，當中有一個位係有三款比我地揀，平時睇好似係散叫。個set係有total9款野食，首先上左一份炸雞軟骨，等左一陣先上雞肉丸，又等左一陣先上左幾款，當中有兩款係炸既，味道同質素係唔錯既，肉都好味，店員都有禮貌。不過唔知係咩原因等得有點耐，事後離開後店主都有作出解釋，我地到最後都接受。總結係味道唔錯，服務ok，只係等得耐，可能係想keep反個質素，所以理解。同埋係黃店，希望如果再有機會食可以做到更好。…查看更多

希望大家可以抽出您地寶貴ge 2-3分鐘時間睇下我下面想講ge嘢🙏🏻🙏🏻 以下落嚟講ge嘢係依間餐廳老闆同我講ge嘢，大家可以選擇信唔信佢，但我係揀咗信佢。我啱啱見佢自己都講到眼濕濕，都唔知點安慰佢🥲。依間黃店💛係14日內就會因租約期滿而被逼遷，老闆開左依間餐廳3年，先後經歷左社會運動同疫情，佢成副心血同身家都放左係依間餐廳，如果真係要結業，都唔知佢可以點。所以係依兩個禮拜希望大家有時間ge話就去幫襯下啦，啲野食係幾好食架🥰。我知疫情下結業ge黃店真係好多，但我第一次sort of親身感受到佢地ge無奈，真係覺得心情有啲沉重，希望真係可以做到啲嘢去幫下佢。老實講，我唔知我上面依段說話最尾可以叫到幾多人嚟幫襯依間餐廳，可能一個人都無，但我真係好希望就算大家無幫襯到依間黃店，都幫下其他小店，等佢地可以捱過依次疫情🙏🏻。----評價🗣價錢💰：🌕🌕🌕🌕🌑味道😋：🌕🌕🌕🌕🌑環境🏡：🌕🌕🌕🌗🌑啲野食係高質ge，我friend都讚不絕口。肉質好鮮嫩，同埋啲調味做得好出色，唔會太重味，好好食😋😋，不過佢ge牛小排就整得好似生左少少🤣。店員服務態度好友善，咁啱我同我friend都唔中意食串燒， 佢真係肯比多份翠玉瓜串燒我地🙈🙈。環境就比較窄，坐就坐得唔算舒服，不過就勝在依間餐廳係無限時，大家想坐幾耐都得，啱曬一班friend一路食串燒，一路傾計。同埋啲串燒係即叫即整🤤🤤，上枱ge時候仲係熱到出曬煙😍，所以要等耐啲時間先有得食。🍽二人套餐 : HK $468 …查看更多

首先，8點入坐，有9個餸全部都係串燒，一開始上左雞軟骨先，再上已經係半個鐘後，然後上左幾串丸，直到10:19為止，都只係上左6樣。同幾個朋友黎食諗住慶祝生日，因為上菜時間太長，連蛋糕食埋黎頂肚，野食係唔差嘅，但係半個鐘先一個餸真係太耐仲要係得set嗌冇單點應該可以一次過燒同炸點知枱枱都要等，淨係聽隔離枱催單都唔止十次呢家嘢真心不可一不可再！價錢唔係平，質素只係正常等候時間真心長，去食法國餐咁三個鐘起跳心諗比呢個價錢，加多少少去食其他都唔會咁嬲…查看更多

已經食過呢間嘢兩三次啦，兩年前黎食過兩次，依家開返再黎食多次。次次黎食都好高質，炸雞軟骨、甲羅燒、燒橡果豬同燒牛肉味濃厚，好有油脂味，晚市兩個人有套餐388蚊，最後埋單560，都算抵食，會keep 住幫襯～…查看更多

距離上次上嚟已經成年喇！終於食到久違嘅高質串燒，食住靚嘢嘆生啤，放工chill一chill ！我哋今次上嚟冇Menu，食物交由老細話事，絕對冇失望，每一樣都食到Lam Lam 脷。首先登場嘅係肉類串燒，由左三豬頸肉、左二橡果豬、到左一牛小排。肉汁好多，肉嘅質地又好嫩口冇筋，肥瘦分布得宜，真係食過最好食嘅串燒。跟住出場嘅係老細新貨：大大隻墨魚嘴，成粒魚蛋咁大，又唔會驚太韌，夠鮮！芝士獅子狗好驚喜，一咬芝士直接爆漿，又香又濃，芝士控不能錯過！蔬菜串燒唔同咗樣，但都係一樣咁好食，老細話咁樣更加方便客仔食嘛！芝士翠玉瓜，爆多汁嘅瓜，加埋芝士醬係完美配搭，蒜蓉茄子亦都係冇得輸，又係必食之選！蔬菜串燒少啲功夫都唔得，難得老細肯慢慢燒，保留到蔬菜原有嘅水份，誠意爆分啦！仲有車厘茄，估佢唔到咁好食，牛油味好香，灑咗少少鹽，車厘茄食落又係另一番滋味！食咗幸福嘅一餐，飲埋兩杯好飲嘅生啤，美中不足嘅就係差咗一碗招牌七星米，老細話米好快番貨，下個禮拜有得食，遲啲都會陸續推出不同嘅新嘢，期待下次再嚟食啊！…查看更多

呢間黃店💛除左串燒高質之外 仲有個大螢幕可以一邊食 一邊睇戲 放工同朋友過黎食個飯傾下計都幾舒服👍🏻唔想煩既話可以揀佢既2人套餐 包括4串肉類串燒、2款小食、2款蔬菜同2杯飲料 最推介就係M5和牛柳 無醃過都好重牛味好好食☺️✾ 二人套餐 ($338)…查看更多

建議：午市/晚市套餐都好抵 👍🤭 值得支持一直對樓上野都會啲恐懼 🙈 見到好多post 都講緊依間都好爭扎去唔去食，真係估唔到好高質 🤤🍖🥩叫左兩個lunch set 二小碟料理 (包左 北海道七星米 🍚+ 支裝飲品)：即落單即燒既關係，等左大概15分鐘。不過等既時候唔會悶，因為有個超大mon 係度播片。之前見到有人話播 Netflix，我地個日去係播緊《全民造星3》🤪🐮 日式燒Prime 牛小排 + 鹽燒翠玉瓜 ($78)牛小排個口感正常，就甘睇以為係洋蔥豚肉片。翠玉瓜有驚喜，上面舖滿左兩種🧀，好好味🤤 🐷 鹽燒西班牙Bellota橡果黑毛豚 + 墨魚嘴 ($68)黑毛豚比十個like 🤭 一開始以為上錯左，啖啖肉好香。同普通豚肉真係無得比 👍墨魚嘴就正常水准，下次試下唐揚雞先。…查看更多

再玩一會💛😛呢間絕對係納入私心收藏的高質旺角樓上串燒店，環境氣氛好好，好適合坐低一邊食串燒一邊傾下計，仲有個大屏幕播緊viutv添！食物質素算偏高而種類算多元化，留意食物係即叫即燒所以要耐心等候喔！💡試業期內不設加一服務費💡再玩一會$388套餐👈圖五，自選串燒小食，仲包2杯生啤添💡今次我地兩個人嗌左$388套餐，再散叫左D海鮮同食物💁‍♀️炸北海道粒粒粟米忌廉餅👍“一咬落去 係爆饀既感覺喔 口感超正""入面饀料豐富 外面炸到微脆 食落唔會太鹹"💁‍♀️鹽燒/汁燒美國珍寶雞中翼👍👍"真心超正超值得encore! 好欣賞汁燒雞中翼肉汁好飽滿 同埋真係大大隻嫁"💁‍♀️鹽燒美國PRIME頂級牛小排👍👍"鹽燒先帶出頂級牛小扒既牛味 係厚切嫁 同埋用料都係上乘既 口感又唔會好難咬 "💁‍♀️鹽燒西班牙BELLOTA純橡果黑毛豚👍"好大塊既厚切黑毛豚 油脂分佈幾均勻 肉質都唔錯"💁‍♀️唐揚雞軟骨"大大碗既唐揚雞軟骨 一邊食一邊傾計就岩哂 不過我都係中意串燒既雞軟骨多D哈"💁‍♀️鹽燒雞脾菇👍“雞脾菇都係燒得剛剛好 咬落去仲係有少少水份 本身仲想嗌埋冬菇 不過可惜當晚無哂"💁‍♀️蒜燒大扇貝👍👍“真係大大大扇貝黎 食材好新鮮 上面仲有好多配料 入面仲有好多汁 超Juicy"💁‍♀️焦糖玉子燒👍"玉子燒可以㨂和風/焦糖 今次㨂左焦糖 玉子面層微脆焦香 加埋微溫既玉子燒 好食喔"…查看更多

對樓上嘢一向有恐懼，點知比我想像中高質太多，肉類juicy唔會醃得過鹹，侍應姐姐仲nice 到爆，大家一定要試😭——————————————————▪️二人套餐 ($338)​▪️牛油果芥辣醬薯條($32)二人餐牌包嘅嘢可以睇相張menu！肉類4款，牛肉同豬肉都實在比我expect 嘅好食好多，以為係好靱嘅bbq嘢😭點知啲牛燒得啱啱好，咬開仲係粉嫩，牛味濃郁，超軟稔！黑毛豬肉質較彈牙但唔係靱，不過比我簡我會全部簡牛！雞翼攤開燒，快熟又更香脆，燒汁同原味都好惹味juicy，但唔係垃圾深圳燒烤嗰d孜然感覺，而係日本燒烤嗰種溫和而香口嘅感覺，好高質！汁燒冬菇好撚好食⋯⋯燒到啡色層皮有焦香，一咬落去啲菇汁爆發，甜甜鹹鹹非常滿足。雞脾菇都正但相對無冬菇咁juicy。薯條正正常常，雞軟骨炸皮有啲硬🥺蟹肉忌廉薯餅都炸得幾香脆不過就淨係食到忌廉薯餅食唔到蟹肉😹…查看更多

㗎仔飯搬左地鋪，再玩一血繼續留守舊址，主打燒物、串燒套餐。二人餐$428/$588。今次叫咗$428餐，份量好足，細食嘅話3個人都食得飽。  不夠食嗎？還可以散叫串燒，絕對有得揀。左：鹽燒西班牙BELLOTA純橡果黑毛豚右：鹽燒美國PRIME頂級牛小排牛小排和黑毛豚都夠厚身，肉味甚濃。牛小排更非常juicy，連不愛吃牛的我也忍不住吃了一串。蜜糖炸雞中翼炸雞翼皮脆肉嫩、夠juicy，加點辣粉更加惹味。蒜燒茄子汁燒冬菇燒蔬菜也很juicy，絕不欺場。北海道七星米最吸引的是無料任添的北海道七星米，飯粒分明、飽滿，撈串燒剩低的少少醬汁，超好味。喜歡小店播埋戲，一路食飯一路睇戲。忍不住看了半套先捨得埋單，店員也不會催促，很chill。  食物質素不俗，值得一試。但星期日晚市時間一半人都無:(希望大家撐良心小店之餘，記得分散投資，多留意樓上鋪啊！餐廳資料：再玩一會 Regame Club地址: 太子西洋菜南街180號捷利大廈1樓B室電話: 95108128 …查看更多

呢日見到 #goodmallinghk 有優惠 上左黎試試呢間只係啱啱開業而且都幾隱蔽 所以冇咩人知啱啱上到去 店員好Nice 叫我睇住Netflix先（有部PS4 比客人自由睇戲 但打機可能會阻到人就唔得啦）（同店員傾偈 原來呢度仲有包場服務 旁邊有打機房 有齊電競設備可以一邊打機一邊食嘢）.好啦 開始講野食呢日叫左⭐️自選兩小碟午餐 跟一個菜⭐️唐揚墨魚咀 量幾多 炸得幾香口 墨魚咀爽口⭐️北寄貝（凍） 勁厚肉 個汁似味增堅魚汁底⭐️燒冬菇 燒得好食嘅冬菇 不解釋⭐️燒西班牙純橡果豚肉 油脂分布幾靚 肉質唔錯⭐️燒蒜蓉茄子 爆多蒜蓉 都係燒得啱啱好👍🏻珍珠米都係一大賣點 有飯香 粒粒分明望返 原來係用緊日本嘅七星米.整體環境乾淨 店員有善 食物高質 仲要黃店鍾意食串燒嘅朋友 呢間冇得輸啦.#再玩一會地址：太子西洋菜南街180號捷利大廈1樓B室…查看更多