十三少 (已結業)

之前上網睇到幾多人推薦👍🏻👍🏻呢一間食酸菜魚既餐廳，所以同朋友專程入去試下。一入到去員工已經好熱情咁招待我，我坐低之後，喺度研究緊個餐牌，然後有個員工好細心咁為我推薦😍，於是就好簡單咁揀咗幾個菜啦。我揀咗鮮椒田雞🐥，加大既酸菜魚🐟，麻辣香鍋同紅糖糍粑😋😋。首先，個田雞辣得好惹味，搞到我食完一舊又一舊，但係份量上我覺得可以多番少少，但係以呢個價錢來講我覺得已經好化算🤔。然後就係個主菜酸菜魚🍲啦！對於個人口味來講酸辣適中，魚肉好滑而且仲要係冇骨🦴嘅添😚😚，真係增加左我食魚嘅意欲，因為個人本身唔鍾意食好多骨嘅嘢，呢一點真係好值得欣賞👍🏻👍🏻。而且個湯跟飯一齊食，真係會令你想食多幾碗飯，簡直就係絕配🤤。另外個人認為一定要加粉皮，因為粉皮吸收晒啲汁真係好正，簡直令人食過返尋味。仲有就係個麻辣香鍋🥘啦，炒得好香好有鑊氣之餘，都係一個好啱送飯嘅小菜，因為香鍋入邊有好多配料，又有肉又有菜，可以滿足唔同人嘅口味，如果諗唔到食咩叫呢個菜跟飯都夠晒😝😝。最後就係個甜品紅糖糍粑。員工好細心咁見我食完啲餸就幫我清理好張枱再幫我上甜品。原本我唔知呢個甜品係咩，我又未食過，但係出奇意料地好食。因為佢炸完即刻上枱，所