大尾篤燒烤王 (已結業)

lee 間大尾篤燒烤王我總共去過2次! 第一次係因為睇到lee到openrice概食評唔錯, 但2次都令到我非常之失望!!!第一次同我阿媽一齊去, 果時已經發現個廁所環境極度惡劣,又濕滑!見到都唔想入去,都唔明點解既然生意咁好,都唔攪好個廁所概衛生環境!仲有賣埋d細佬仔玩概吹肥皂泡,d肥皂泡波波吹到四維都有,一路燒緊野食就不停見到d波波飄來飄去,咁樣d肥皂泡一爆就整落d野食到....都唔明點解d爐已經好迫啦, 仲要賣埋d咁概野, 佢地唔會諗下一邊有人食野,一邊有d細佬仔吹泡泡概!!!我阿媽果次食到一半概時候,她已經係燒烤王果到痾左3次,跟住馬上走,回到家她再痾多3次!痾到我阿媽面都青,腳軟軟!!!果次我已經決定唔會去lee 間野架啦...點知...今日我同d朋友一行四人,本來打算踏完單車去大草原燒野食,點知大草原無開! 因為我d朋友未試過lee間大尾篤燒烤王,咁就又去左喇!!唉...相隔一年點知個環境一樣都無改善過!!!真係唔明點解都仲係咁多人去食,d野醃得唔夠入味之餘,又完全無解凍!!仲有冰概!!!最後,我地四人都肚痾...我同我男友最慘...痾左成晚...我地不停咁倫姦個廁所!!!