影片
更多
2023-04-04
72 浏览
而家冇咩事都好難約到我出街，一來因為忙，二來因為食到咩地方可以驚艷到我。朋友是聰明的，要搵我傾野，最好由食入手！今次出絕招，搵我食牛！仲要係焼き肉！今次黎到焼肉かくら，食我最愛嘅和牛！先講講，舖頭主打係鹿兒島黑毛和牛，講返少少小知識，和牛同日本國產牛係兩種野黎，任何係日本養大嘅牛都係叫日本國產牛，只有四種日本原生種牛隻才能被稱作和牛，所以和牛，係貴好多。而且先有咁靚你可以入口即溶嘅口感。今次嘅黑毛和牛，就係四大種之一。老一輩食和牛，大多係食神戶牛、松阪牛、近江牛，呢d牛超級貴，所以一般我地唔係大時大節都唔會去食。近年，鹿兒島縣與宮崎縣嘅和牛水準追得好勁，等大家都可以用更親民嘅價錢食和牛，而呢2年，我個人食和牛都係以鹿兒島黑毛和牛為牛，簡單講就係性價比高。永遠後追嘅人係最有heart同有競爭力！大判燒！黑毛和牛西冷 ＄178第一樣上枱嘅係大判燒！黑毛和牛西冷，係店員推介我地試，唔好食要打pat pat。放心！pat pat安全，真心好食！油花分布均勻，食西冷就係用油香，入口即溶大多就係講西冷。肉本身靚，加上特製醬汁調味，再係燒完之後混入溫泉蛋，蛋汁包住左塊牛減少左油膩感，蛋白又中和左醬汁
先講講，舖頭主打係鹿兒島黑毛和牛，講返少少小知識，和牛同日本國產牛係兩種野黎，任何係日本養大嘅牛都係叫日本國產牛，只有四種日本原生種牛隻才能被稱作和牛，所以和牛，係貴好多。而且先有咁靚你可以入口即溶嘅口感。今次嘅黑毛和牛，就係四大種之一。
老一輩食和牛，大多係食神戶牛、松阪牛、近江牛，呢d牛超級貴，所以一般我地唔係大時大節都唔會去食。近年，鹿兒島縣與宮崎縣嘅和牛水準追得好勁，等大家都可以用更親民嘅價錢食和牛，而呢2年，我個人食和牛都係以鹿兒島黑毛和牛為牛，簡單講就係性價比高。永遠後追嘅人係最有heart同有競爭力！
大判燒！黑毛和牛西冷 ＄178
第一樣上枱嘅係大判燒！黑毛和牛西冷，係店員推介我地試，唔好食要打pat pat。放心！pat pat安全，真心好食！油花分布均勻，食西冷就係用油香，入口即溶大多就係講西冷。肉本身靚，加上特製醬汁調味，再係燒完之後混入溫泉蛋，蛋汁包住左塊牛減少左油膩感，蛋白又中和左醬汁嘅咸味！本身都冇打算叫西冷，估唔到有驚喜！
黑毛和牛内橫膈膜 $188
西冷係最貴嘅部份，係土豪食法！而橫膈膜係食肉係鮮味！其實大部份嘅肉餐廳都提供左汁燒同鹽燒2個選擇，而橫膈膜最岩係汁燒，燒出黎肉味香濃，由於肉靚，個人建議呢個可以稍稍燒熟少少帶個肉香出黎，食完西冷，你會覺得呢個冇咁油，又係另一種享受。
黑毛和牛特上嫩肩里肉 ＄268
到左我最愛嘅肩里肉，講大家聽，我自己平時買和牛黎燒，我會輪住買唔到部位，但肩里肉一定係膽！因為和牛我覺得主要係食油香，而肩里肉油香比西冷更強！由於肩里肉油重，唔適宜加汁燒，簡單用鹽同黑椒調味就可，而且燒完都唔需要再點醬汁，就咁食就可以！好食到一個點！唔黎食，燒果陣香味已經冇得輸！
一塩味上牛舌 $118
牛舌我就好少自己買，所以黎得餐廳食就一定叫埋。我印象中都少燒肉燒牛舌，我食牛舌多數係串燒。今次有朋友主動燒埋俾我食，真係皇帝級享受！牛舌用鹽燒，加上輕輕燒脆表面就可！燒完點少少柚子醋，作為成餐冇菜黎講嘅清新解膩之選！
黑毛和牛腹柳小排 $148
呢個係今餐性價比之王！個人認為必叫！牛小排雖然都係傾向油香，但由於佢近骨，肉味都濃。以和牛黎講，肉質結實嘅牛小排唔會特別韌，整體價錢唔貴，而又可以在方方便便都食得到和牛嘅美好！係平均型嘅選擇！
題外話，要講講佢送個甜品送，大家出黎食得燒肉呀，韓燒之類都會有個甜品，多數係雪米糍。但多數個雪米糍就係現成雪到硬到打死人果類。咩都唔搞就咁一個獨立包裝俾你，有時都唔知食唔食好。我專登影一影呢個，送嘅！但成個presentation 係有心機，好骨子。
其實都係個雪米糍同埋杏仁豆腐，但細節嬴哂！埋計四百幾蚊一位，唔係貴，但都唔係求其一餐嘅價錢。雪米糍係普通係，但係佢軟硬適中，杏仁豆腐香滑又不太甜。我唔知大家有冇咁嘅感覺就係，香港好多餐廳呢d送嘅係係好冇心機，好似唔預你食咁。所以，當遇到做得好嘅餐廳，我一定大讚！
抵食！值得去試！我話嘅！
张贴
