嫲嫲辣辣

营业中

休息中

去咗尖沙咀厚福街食嫲嫲辣辣今次拣咗自选锅底，锅底总共有四只味拣，有香辣，麻辣，孜然同葱爆。 亦都有5种辣道度可以拣，由微辣到火爆辣。我哋今次拣咗麻辣蚬肉干锅，配四季豆，金针菇，红薯粉，同莲藕仔。 而配料有超过60种可以拣。干锅味道香浓，香辣同麻味足够。蚬肉嘅份量都好多，冇沙，鲜甜。配埋四季豆金针菇莲藕仔，全部配菜都新鲜爽脆。我哋仲拣咗水煮牛肉，里面已经有豆芽，莴笋等配菜。牛肉煮嘅火候啱啱好，嫩滑，唔会过靭过老。最后仲叫咗清炒莴笋丝，莴笋丝新鲜爽脆，份量足够，可以用来清一清味蕾。总括而言，呢间餐厅调味好好，香麻味十足，正宗川菜风味，食材新鲜，价钱适中，会再encore