東方茶餐廳

朝早路過入咗去，以為係正正常常普通茶餐廳一間，無諗過原來係咁伏！！！
叫咗個茶餐廳基本嘅沙嗲牛肉公仔麵做早餐，碗嘢嚟到，個湯係清湯都算喇，牛肉都係完全無沙嗲成份。食落去，放最面頭無浸到湯嘅牛肉居然係凍凍地嘅，繼續食，發覺啲牛肉仲要有少少酸味，最後食完番到屋企肚瀉咗三、四次。依家諗番起，啲牛肉肯定係一早整定放雪櫃仲要唔知放咗幾多日，變壞咗都照拎出嚟俾人食。劣！！！大家如果想食完屙幾次「清腸胃」嘅話一定要幫襯呢間嘢！