東方茶餐廳 (已結業)

朝早路過入咗去，以為係正正常常普通茶餐廳一間，無諗過原來係咁伏！！！叫咗個茶餐廳基本嘅沙嗲牛肉公仔麵做早餐，碗嘢嚟到，個湯係清湯都算喇，牛肉都係完全無沙嗲成份。食落去，放最面頭無浸到湯嘅牛肉居然係凍凍地嘅，繼續食，發覺啲牛肉仲要有少少酸味，最後食完番到屋企肚瀉咗三、四次。依家諗番起，啲牛肉肯定係一早整定放雪櫃仲要唔知放咗幾多日，變壞咗都照拎出嚟俾人食。劣！！！大家如果想食完屙幾次「清腸胃」嘅話一定要幫襯呢間嘢！

侍應態度好差，成日鬧人，同我講話叫我走，少我一個客唔少，多一個客唔多，又話我唔識飲奶茶，千祈唔好幫襯！又要出錢又要受氣！！！！嘢食又難食！服務態度又差又污糟！勿去！The food is bad too! Especially the milk tea!

喺網上外賣平台 order咗呢間嘢， 叫咗雙拼出前一丁餐連煎蛋方包同凍檸茶。 嚟到之後發現佢畀咗個普通麵我，唔係出前一丁麵，又冇咗個包同蛋。 打返去了解， 佢哋夠膽死話，“咩都唔知!"， 仲要話,"咁平! 點會有咁多野食?” 之後仲cut我線!!!!有曬單，有曬相。 平心靜氣同佢了解，佢竟然可以咁樣鬧返我轉頭， 嗌過咁多次唔同舖頭外賣都冇試過咁差! 如果真係佢所講，咁平冇咁多嘢，唔該佢哋update返網上外賣平台裏面個menu， 唔好畀啲客揀完之後又話冇又話平又話盛