FLIPPER'S (已結業)

喺銅鑼灣食飽飽dinner之後，朋友極力推介我地去flipper’s食宵夜。上一次小妹喺發記食過疏乎厘pancake、價錢$90-100左右。今次flipper’s貴少少，但係品質、味道、賣相都比上次食好好多。琴晚去flipper’s 唔算好多人，等15分鐘左右就入得。地理位置幾好，喺希慎廣場6/F，相當容易搵。因為每人都要消費，所以我地嗌左三個pancake加一杯飲品。人均$90，價錢中上。芒果珍珠奶茶，意想不到嘅味道。雖然有少少甜，但芒果味好足，珍珠好彈牙原味pancake賣相一流好做到疏乎厘嘅texture，但又唔會好似食空氣。煎得唔lone ，cream好好食雜果pancake 同原味差唔多，加左士多啤梨同藍莓做toppings。可能依排士多啤梨當造，幾甜同好大粒最後係香蕉榛子朱古力pancake 朱古力同香蕉嘅mixture不嬲都唔會差，但係加入到pancake上，就好似搶左風頭，原全食唔到pancake 味朱古力cream亦都太甜。其實友人係推介我地食seasonal嘅珍珠奶茶pancake，但可惜賣哂。希望下次可以食到啦。