更多
2011-03-07
129 浏览
话说周日同食家两个人去行麦理浩径第三段﹗迟左起身，两点半先出发在西湾亭开始行，由于怕入黑关系，高速前进，最后五个钟的行程三个半钟完成﹗行完山梗系食在西贡，心郁郁想食海鲜，去了名气最大的全记﹗周日关系，全场爆满﹗要揾个位都好难﹗多人来食九成九要等位，好在我地两个人，细枱侍候简单得多﹗两个人当然系食二人餐啦﹗佢个名都劲过人，叫温馨二人世界餐﹗$348全包﹗九款海鲜拣四样，我地拣左姜葱蟹、白灼海螺、白灼虾及鲍鱼﹗先来的是灼海螺，本来以为有花螺食，点知系冬风螺﹗街市$20有一斤，呢度半斤都唔知有冇﹗份量很少﹗好在螺肉都好结实弹牙，吃得出是新鲜货，只系一人十只都无有0的唔多够喉吧﹗白灼海虾﹗份量又系一人份量似的﹗最近街市0的游水虾贵得要命，闲闲地都成四十几蚊斤﹗虾细只，胜在弹牙鲜甜，剥两剥唔洗五分钟就食哂喇﹗清蒸鲍鱼，每位有两只﹗九孔鲍，肉质很烟韧弹牙，豉油亦吊出其鲜味，食家最满意呢样海鲜﹗姜葱炒蟹，蟹仔一只，睇见唔开胃﹗细只得要命，食家最憎食细蟹，食极都无啖肉﹗四个海鲜后的是蒜蓉白菜仔，清甜好吃﹗老早都知出街就唔应该食海鲜架喇，食得餐亦都预左用料唔方好得去边，不过食完成个餐好似无野落过肚咁，呢
迟左起身，两点半先出发在西湾亭开始行，由于怕入黑关系，高速前进，最后五个钟的行程三个半钟完成﹗
行完山梗系食在西贡，心郁郁想食海鲜，去了名气最大的全记﹗
周日关系，全场爆满﹗要揾个位都好难﹗多人来食九成九要等位，好在我地两个人，细枱侍候简单得多﹗
两个人当然系食二人餐啦﹗
佢个名都劲过人，叫温馨二人世界餐﹗$348全包﹗九款海鲜拣四样，我地拣左姜葱蟹、白灼海螺、白灼虾及鲍鱼﹗
先来的是灼海螺，本来以为有花螺食，点知系冬风螺﹗
街市$20有一斤，呢度半斤都唔知有冇﹗份量很少﹗好在螺肉都好结实弹牙，吃得出是新鲜货，只系一人十只都无有0的唔多够喉吧﹗
白灼海虾﹗份量又系一人份量似的﹗
最近街市0的游水虾贵得要命，闲闲地都成四十几蚊斤﹗虾细只，胜在弹牙鲜甜，剥两剥唔洗五分钟就食哂喇﹗
清蒸鲍鱼，每位有两只﹗
九孔鲍，肉质很烟韧弹牙，豉油亦吊出其鲜味，食家最满意呢样海鲜﹗
姜葱炒蟹，蟹仔一只，睇见唔开胃﹗
细只得要命，食家最憎食细蟹，食极都无啖肉﹗
四个海鲜后的是蒜蓉白菜仔，清甜好吃﹗老早都知出街就唔应该食海鲜架喇，食得餐亦都预左用料唔方好得去边，不过食完成个餐好似无野落过肚咁，呢个餐既份量就有点那个了﹗
$348全包，早知同食家去锯扒啦﹗
返到屋企仲要渌多个面先叫做有食野，真系.........
不是唔好食，系份量太少，食海鲜还是自己去街市买来煮好一点﹗
食店地址: http://smallsmalllin.openrice.com/
我的饮食微博: http://t.sina.com.cn/smallsmalllin
张贴
