泰之味 (已搬遷) 新店位置

泰之味, 起碼光顧過5次, 次次都係朋友即興黎食泰國野! 今次心血來潮寫下文。因為係上環街市二樓熟食市場的店鋪,  所以晚上來都幾乎唔洗等位, 大排檔的位置, 泰國餐廳的質素。我地叫左泰式小食拼盆、馬拉盞炒通菜、軟殼蟹沙律、大冬陰公及南瓜布丁！泰式小食拼盆 - 有泰式春卷，新鮮炸，好爽脆，入面有粉絲好食！炸蝦丸林左些，泰式包雞味道適中，但有點油膩，其他我冇食，唔評價。馬拉盞炒通菜 - 通菜算嫩，味道好濃，我覺得送白飯會好d, 如果唔係，有些咸。軟殻蟹沙律 - 次次都食，即炸軟殻蟹好酥香，唔會油膩，再配上柚子沙律，酸酸地好清新，加埋炸蒜好香！大愛！ 冬陰公（大）- 有大細揀，由於朋友太鐘意飲，叫左大份量，大概4至5個飯碗份量，料好足，都算多蝦！酸辣度適中，配埋有蝦食，算幾抵啊！南瓜布甸 - 必須電話預訂的陣店甜品，南瓜布甸其實好易整，不過泰之味整得好食D! 南瓜好甜，布甸有埋南瓜味加奶味，食多都唔怕「製」！