影片
港铁上环站 A2 出口
继续阅读
电话号码
28510501
营业时间
星期一至五
11:00 - 14:30
18:00 - 22:30
星期六
全日休息
星期日
18:00 - 22:30
公众假期
18:00 - 22:30
以上资料只供参考，请与餐厅确认详情
相关文章
-//位于上环街市，竟然有间隐世泰国菜🤣估唔到仲有劲多菜式选择，连海鲜都有🤣📍泰式炒金边粉 $58外卖咗个金边粉，味道都唔错，唔会好咸而且份量都算多，食到饱，吱埋青柠捞埋一齐食就最正，呢个价钱都算抵食。📍鸡肉串烧沙爹（半打）$80犹豫咗好耐要鸡肉定系牛肉🤣最后拣左鸡肉半打6串 每串份量都算多，另外个沙嗲汁系好香 好浓郁🤪鸡肉都好Juicy 整体唔错🤩📍泰之味 (上环)上环皇后大道中345号上环市政大厦2楼熟食中心CF23号舖
继续阅读
相对其他九龙区市政，呢对啲枱比较阔偌。星期五晚6:30左右，见呢间又中又泰嘅食档仲有几张吉枱，甫坐低，老板娘即拎大碗热到极度烫手嘅热水嚟俾我洗碗碟筷子，本身啲碗碟都非常干净，所以只系循例冲一冲，餐枱有厕纸提供。叫咗几味：串烧鸡猪各半打，唔㶶，鸡肉有香茅腌过透出香味，可惜猪肉就出事，其中一串中间𠮶旧唔熟，另一串成串都未熟，唯有叫烧烤位师傅再翻烧未食𠮶串啦。湿炒牛河芥兰落咗好多，秀珍菇都系，牛肉片都唔少，但啲菇有轻微酸味，食咗两块都系唔对路要𦧲⋯⋯啲方型河粉反而变咗配角，份量太少，成碟比较似小菜。绍酒炒青口不过不失。泰式拼盘收$148但每件份量偏小，鱼饼、虾饼味道不太咸ok，春卷都足料够脆，就系个斑兰叶鸡卷唔掂，其中一旧太硬，全部边角位都咬唔到。临走饮多啖茶，竟又出事，冇咬𠮶个玻璃杯嘅情况下，个杯边居然裂咗甩左条玻璃碎出嚟……好彩冇流血爆咀……但真心吓亲，老板娘连声致歉。礼貌上呢间舖系好好，但真系要注意个食物嘅处理同留意易碎餐具嘅耗损喇。
继续阅读
返工嘅日子有时会黎上环熟食中心同同事一齐食lunch，但系食夜晚都系第一次。环境就比较一般，黎得熟食中心我都唔好预会坐得好舒服嘅，主要都系食下𠮶个风味。但晚市冇午市咁多人，所以我哋两个人都俾咗一张大枱我哋，坐得好松动。我哋叫左一个青咖喱同埋一个炒肥牛，两个都非常之大碟，我哋两个人慢慢食先食得晒，味道就正常，炒肥牛比我哋想像中浓味好多。最后虽然非常之饱，但之前试过佢哋嘅糖水觉得好正，所以都系要黎多碗香芋西米露。糖水依然keep到水准👍🏻
继续阅读
之前食过lunch既外卖海南鸡饭，都唔错。今次试左明炉乌头同芋头海鲜焗饭。服务都几nice，话如果椅唔舒服可以换有椅背既比我地，见职员同d食客都好好倾，都系做街坊生意。有提供热滚水比客人洗碗碟，感觉都干净d。乌头要等20～30分钟至有得食，都新鲜，入面有d磨菇，配埋佢比既汤汁淋上鱼到食会比较有味道。但个芋头海鲜饭就令人失望，好多姜葱萝卜，同埋个汁食落去感觉似系中式饭咁，完全唔似食梗泰国菜。而街市熟食中心黎讲，价钱少少偏贵，唔算抵食。本身谂住食埋糖水，但截左单，下次都会再试下。
继续阅读
市政大楼的熟食档一向卧虎藏龙，今日去左市政大楼食泰国菜。 坐低后， 一位十分热情的店员(主), 就好有礼貌问我地食乜？ 又同我地吹下水， 讲下打针唔打针， 风花雪月一番后， 同事们就叫左泰式猪肉炒河， 泰式炒金边粉， 星洲炒米， 虾酱炒饭。 同事的餐就唔记得影低， 总之答案得一个， 就系好好味。而我自己果个泰式炒金边粉就正， 味道好出， 酸酸甜甜， 最紧要够哂热 够镬气， 即叫即炒就系呢d啦。 虽然份量较少， 但绝对系有心煮的隐世餐厅。
继续阅读