日本料理「和亭」 (已結業)

自從前年年中有一位朋友帶我吃過一次西九和亭後，覺得好好食，自此很想過來多吃一次。剛巧適逢東亞卡有優惠，我也同朋友吃左兩次，覺得也不錯。不過自東亞卡優惠完結後，就沒有再光顧。直至2月20日經朋友的提議下再光顧，同時在3月20日也有光顧。由於兩次都是點同一個套餐，所以可以合併來講。我和朋友兩次都是點滿足二人套餐，不過2月20日和3月20日所選的略有不同。1. 硅魚刺身(三文魚刺身)，兩次都好新鮮，又有魚味。2. 網燒類：2月叫左魷魚網燒，3月叫左雞肉網燒，我同朋友吃過雞肉網燒好食。魷魚味道都ok，但肉質稍散；雞肉夠軟滑，不會太乾身。3. 蝦天婦羅，兩次炸起來都夠脆口，色澤金黃，沒有過黑的現象。4.牛肉火鍋，兩次都好有水準，牛肉鮮嫩，火鍋汁味道配搭適合，好味到去喝下來。5. 主食。2月叫左石鍋蒜香牛肉飯，再另叫牛肉烏冬，石鍋蒜香牛肉飯好好食，蒜香味夠香，夠晒熱；烏冬麵質夠彈牙，味道不會太濃味。3月份叫左石鍋泡菜牛肉飯，再另叫石鍋蒜香牛肉飯，泡菜辛辣得來又好好食，不會只有得個辣字。最後兩次的消費都是$231至$237，在合理水平之內，不過如果份量稍為多少少就會好好多。