長發麵家 (已搬遷) 新店位置

上一次食長發的時候因為無帶相機所以無寫食評, 今次要求祁生再帶我去食, 因為我真係覺得佢地既麵係好好食, 今次又試下其他野啦, 上次食左牛腩和魚蛋, 我自己就覺得魚蛋腍左少少, 魚味都夠既。今次食左乜.... 剩豬手 - 豬手炆得腍, 唔會失去口感, 非常非常之膠口, 食完真係覺得自己吸收左好多骨膠原。 豉油撈粗 - Normal係食幼麵既, 但本人對粗麵有特別喜愛, 粗麵無皂水味好彈牙, 豉油汁好味。 牛腩河 - 呢碗係祁生叫既, 佢好味到連湯都飲哂。 京都炸醬麵 - 炸醬味係以前小時候的味道, 加D辣椒油真係好正呀~!!!! 芥蘭加腩汁 - 以前好似係冬天先有芥蘭食, 而家夏天都有之餘仲係正菜添, 加埋腩汁...呢碟菜一個字...正!!!係長發附近望下四周有一D感嘆, 因為周圍都係一D唐樓, 望望四周的高樓大廈, 真係唔知長發的範圍幾時會納入市區重建計劃, 我深信當政府開始規劃時, 長發呢一類鐵皮大排檔必定成為歷史......。