影片
更多
2021-01-17
45 浏览
之前喺親戚屋企食到呢檔燒味，出奇地有驚喜，特登問咗個名之後，今晚收工就專程嚟斬料。客家鹽焗雞 ($59)首先以此價錢有成隻雞真係性價比一流，質素亦都絕對唔頹皮，大大隻雞同平時嘅size冇分別。 鹽焗雞整到啱啱熟，表面仍然保持濕潤，食得出係新鮮整起，雞肉嫩滑有雞味，配埋沙薑同蔥油好出色。至尊燒鵝 (上庄) ($110)我最愛嘅燒鵝髀位完全唔會乾鞋，唔使講明已經係汁另上，所以燒鵝依然脆皮。 個滷水汁香到返屋企嗰時感覺到方圓五米內都聞到香，味道亦都冇辜負我嘅期望，鹹香而唔會死鹹，係夠開滷水專門店嘅味道。 燒鵝有肉味得嚟完全唔油膩，食到油香得黎又好乾爽，感覺比深井燒鵝健康得多。燒味佬叉燒 ($50)叉燒肥瘦適中，仲食到少少我最鍾意嘅窿邊位，非常香口。 調味甜得來唔會有好多蜜糖浸住咁，第日帶飯翻叮都唔油膩，食多幾舊都唔覺得heavy。脆皮燒肉 ($50)燒肉就正正常常冇咩驚喜，不過有時連阿媽去買燒肉都會斬到啲奇奇怪怪嘅位又乾，呢度嘅燒肉$50，雖然未必分到好肥美嘅位，但係份量好足，啖啖肉唔會乾、唔會成排骨，對得住個價錢啦。
客家鹽焗雞 ($59)
首先以此價錢有成隻雞真係性價比一流，質素亦都絕對唔頹皮，大大隻雞同平時嘅size冇分別。 鹽焗雞整到啱啱熟，表面仍然保持濕潤，食得出係新鮮整起，雞肉嫩滑有雞味，配埋沙薑同蔥油好出色。
至尊燒鵝 (上庄) ($110)
我最愛嘅燒鵝髀位完全唔會乾鞋，唔使講明已經係汁另上，所以燒鵝依然脆皮。 個滷水汁香到返屋企嗰時感覺到方圓五米內都聞到香，味道亦都冇辜負我嘅期望，鹹香而唔會死鹹，係夠開滷水專門店嘅味道。 燒鵝有肉味得嚟完全唔油膩，食到油香得黎又好乾爽，感覺比深井燒鵝健康得多。
燒味佬叉燒 ($50)
叉燒肥瘦適中，仲食到少少我最鍾意嘅窿邊位，非常香口。 調味甜得來唔會有好多蜜糖浸住咁，第日帶飯翻叮都唔油膩，食多幾舊都唔覺得heavy。
脆皮燒肉 ($50)
燒肉就正正常常冇咩驚喜，不過有時連阿媽去買燒肉都會斬到啲奇奇怪怪嘅位又乾，呢度嘅燒肉$50，雖然未必分到好肥美嘅位，但係份量好足，啖啖肉唔會乾、唔會成排骨，對得住個價錢啦。
张贴
