燒味滷師 (安發大廈) (安發大廈)

营业中

休息中

啱啱去咗『燒味滷師』試吓佢哋嘅招牌菜，真係得啖口福咯🌟！首先，啱啱斬嘅叉燒，呀～光澤鮮艷得嚟，食落去倫倫美味，外層啖啖糖香啲啦，肉質一啲都唔乾，入口即溶，真係夠晒滋潤～叫我點能唔讚嘆😋！至於麻辣手撕雞，我見好多街坊都排隊等，所以弗like一試。辣香撲鼻，肉質爽滑，分量足夠一家子分享，每啖都有驚喜㗎；正！啲辣度啱啱好，唔會蓋過鮮味，真係一流👌。最後，燒鵝呢，真係令我念念不忘。個皮脆卜卜，肉質香濃得黎又唔膩，嘛嘢好似有少少秘製香料味道添！少見燒鵝頂得住我咁多個回味，值得一提㗎，嘩～仲要個鹽焗雞，瓣瓣分明，鮮味滿分，夠哂彈牙同滋味。總之呢間店嘅燒味，稱得上係實惠又夠標味嘅選擇。我會俾個幾個讚喊出嚟，推介俾大家！下一次經過，仲想再嚟個雙拼，滿足埋我個肚皮😌🥢🍗。

呢碟嘢話係半肥瘦叉燒，我即場問阿姐乾到咁點叫半肥瘦，佢堅持：淋叉嚟既，旁邊有肥，唔知佢對眼點睇到有肥，總之食落一舊柴咁，又乾又硬，都唔知啲正評邊度買返嚟，我就絕對無下次

呢間嘢一路以來都有幫襯開斬料加餸，近呢幾次食已經覺得質素下降，唔緊要街坊生意照俾機會⋯尋日買$50半肥瘦叉燒，返去打開盒叉燒，瘦到阿媽都唔認得，半舊肥肉都無，仲要俾埋啲頭頭尾尾下欄位。咁樣做生意咪冇下次囉😡😠

燒味滷師我已經幫襯過幾次，次次水準都可以，家人都讚好。每次我都會買豉油雞，入味，好食。燒肉都可以一試，叉燒水準就每次不一樣，普遍都好的，但有一兩次比較偏甜，半肥瘦好食的

海南雞叔叔外賣店，平日好多街坊幫襯。就係佢，令到我喺室外34度嘅高溫，都要捱住熱都要食佢！不過真係幾好味，雞肉皮嫩肉滑，雞皮爽彈，油飯好香，撈埋秘製醬汁一齊食仲正～另外檸檬葉香茅炸雞翼都好抵食，賣相一啲都唔hea，有埋檸檬葉同辣椒仔做配菜，雞翼炸到脆卜卜，新鮮熱辣食仲好juicy～

平時懶又唔想煮飯 多數媽咪都會去燒味舖就斬燒味～最近就發現咗一間平靚正嘅燒味店！好鍾意食佢哋個燒鵝 真係好平 半隻唔洗二百蚊🤑層外皮燒到好香脆 再加埋層薄薄嘅肥膏 唔會好油膩 肉質都好滑！

今日中午響度買盒叉油雞飯，明明講左3次叫佢走薑葱，佢地係都唔聽，個阿姐都唔理𢳂啲薑葱落去，服務態度有待改善。希望佢地會睇到依篇食評，改善下自己既工作同服務態度。

中午路經長沙灣長發街，看到這個燒味店D燒味超平，义燒$78一斤;豉油/貴妃/白切雞均售$78; 燒鹅$360一隻;腩骨$128一斤，原來做緊特價。叫伙計俾條淋滑的义燒，大大條先至係$77，叫伙計一開二加D汁放係個盒，買返家做黯然悄魂飯😋😋。條义燒顏色唔係特別红，人造色素太多但一定唔係用天然色素紅菜頭，肉質淋得来有咬口，肥肉和廋肉比例適中，雖然唔係用新鮮肉整，但件梅頭也有肉味，瘦肉部份竟然不柴口👍，麥芽糖太多，剛好掛上條义燒，唔會甜味蓋過肉味。 特價就cp值高，反回原價$110就要諗下啦🤔

今晚斬餸加料，去咗長沙灣嘅燒味滷師買叉燒、燒鵝同埋我最鍾意嘅手撕雞😋燒味佬叉燒 叉燒好肥美🤤半肥瘦叉燒係最好味每件叉燒都係厚切啊！叉燒冇燶邊的，啖啖肉，啱晒我口味叉燒肉質較紮實，但唔會柴皮，肥瘦適中！最緊要係淋上蜜汁，甜叉燒係我嘅至愛🤤至尊燒鵝有分上庄下庄我揀咗上庄，主要有鵝胸，肉質嫩滑，肉質唔會過於紮實，好味！燒鵝油香味四散，但食落唔太油膩👍🏻原味手撕雞，必點🤤手撕雞好大份，半隻雞有雞翼、雞翼、雞胸，都已經撕開了食之前淋上秘製醬汁拌勻，估唔到原味手撕雞都好惹味啊！真係會食到停唔到口啊🤭

這一家「燒味滷師」大概一年多前已光顧過，都是居於附近的親友推介，而近來因為禁了晚市堂食，所以，都多了買外賣，正因今天路過此處，就索性不如「斬料」，煮點飯，灼點菜，又可以當一餐，叉燒就留來明天做炒飯。正值下班時間，鋪外已有不少街坊客光顧。燒味掛滿在櫥窗之上，琳瑯滿目，非常吸引，款式又多，定價亦相宜。店後是工場，食物都是現場即製，夠新鮮吧！上次試了客家鹽焗雞，今次改試「麻辣手撕雞」（$60 /半隻份量），不吃得辣的可以選原味，半隻份量其實也頗多，肉質嫩滑而不膩，曬上了大量芝麻，加上麻辣的味道不霸道，有辣勁，卻不嗆喉，最好的是已拆肉，吃得方便，一次過吃不完，也可以留起來用作配粉麵。雖然叉燒打算用作炒飯，但也先偷偷吃了幾片，要了半斤的「燒味佬叉燒」（$40），燒得賣相不錯，有少少燶邊，叉燒屬半肥瘦的，切得厚身，入口軟腍不死實，又有點油脂香，並帶微微蜜糖的甜蜜香味。至於燒鵝是家人至愛，怎可以錯過，半隻「至尊燒鵝」（$180）絕對滿足了大家，一打開盒蓋，那份鵝香立時湧出，更附了一大包鵝汁，翻熱加入燒鵝中，更芳香；鵝皮色澤亮麗，薄身脆口，肉質嫩滑細緻，又充滿肉汁，並富油香卻不油膩，可以說水準依舊。做

在沒有堂食的日子裏，買外賣已成大多數人生活之日常，正當躊躇著今晚吃什麼的時候，路見燒味滷師門前人山人海在排隊，即興也買一些回家加料加餸。排隊時發覺，似乎每個客人都會買些燒鵝及叉燒，相信這兩款必定是這一店的皇牌，我也跟風的買了一些😁😁至尊燒鵝半隻$180，價錢尚算合理，味道也不錯；喜歡隨鵝附送的酸梅漿，酸酸甜甜的，的確是跟燒鵝的最佳配搭。燒味佬叉燒一斤$40，叉燒肥瘦適中，外層蜜汁甜美，加隻煎蛋伴碟飯，即成傳說中的黯然銷魂飯😂😂😂😂😂。還有胡麻海手撕雞半隻$65，雞肉嫩滑，無骨！最欣賞手撕雞去骨這種食法，吃起來非常方便。海蜇也是小妹非常喜歡的，麻油鹹香，配以海蜇爽脆的質感，的確是非常美味。

呢間燒味店一直都係我嘅首選天氣凍凍地又想食啲辣嘢，記得呢一間除咗燒味之外仲有賣口水雞，疫情之下又唔想煮，想叫外賣，揀佢就最啱啦叉燒依然高質食落有少少燶邊好香口，口感非常之軟熟，而且蜜汁好入味，淨係啲咸香中帶甜，惹味嘅蜜汁已經夠送幾碗飯呢度嘅燒鵝都係非常之有水準皮脆得來啲肉唔會鞋，食落仲有陣陣鵝香鵝嘅油脂豐富得來唔會膩，因為佢嘅鵝皮燒到脆卜卜，再配埋佢哋秘製嘅醬汁，更加係食唔停口你以為呢度得燒味好食？其實呢度嘅冷盤都係勁正，呢個口水雞辣得黎有層次，而且唔會泰太辣，啱晒香港人口味，最緊要係佢份量超足料，一份口水雞已經夠食兩餐，簡直係平靚正，疫情之下簡直係平民首選

買盒乳豬例牌120蚊，無得揀位置都明，點知斬近頭位置🤔，心諗瀨野。。打開睇一次，全部得塊皮大部份都係肥膏。再同呀姐講打開睇佢話比師博知好肥呀，師傅當聽唔到無應機。呀姐再睇話唔係好肥呀，幫你換過佢？你下次講明要瘦d嘛。ok既然你咁講我又無講明要瘦d，我話唔使換啦，由佢。最後一次，幫襯第二次就見真章。第二食皮都唔見得好食，不過口味既野見仁見智本人覺得麻麻。開頭見網上面d人講都唔信諗住試下，中哂伏，純粹個人感受，各下自行決定。我未見過個頭會攞出來賣，多素當下欄擺出嚟平賣或其他處理，可能我見識少！🤷🏻‍♂️

今日屋企提早食團年飯放工經過『燒味滷師』就斬料返去門面光猛企理重點係價錢好抵食所以長期多人排隊不過其實條隊流動得好快入面員工分工合作加分👍🏼好抵嘅雙拼飯難怪咁多人幫襯❤️叉燒雖然望落好瘦最初以為一定好乾柴😂但係好驚喜食落好淋一啲都唔靭正！麻辣手撕雞就係平時加餸必食麻香味重，雞肉又夠嫩滑同埋半隻巳經夠全家食份量好足😍燒鵝係見好多人買所以學人買半隻試下😂$180半隻其實都好抵🧐打開盒巳經勁香呢隻唔算太肥但好厚肉😍

依架冇得堂食, 食外賣都成為我地既日常,之前食過長沙灣有間燒味高質得黎又唔貴, 所以今晚決定自己煲飯買D燒味返去慢慢食泰式鳳爪 -$45酸酸甜甜咁, 好開胃, 而鳳爪好大隻, D兩味做前菜一流呀!手撕雞(半隻)-$60手斯雞既雞肉好嫩滑, 而且仲保留到肉汁, 唔會乾爭爭咁, 幾好味燒鵝半隻-$180估唔到外賣完之後D鵝皮仲係好脆, 我覺得有炭火味果下好正, 而肉質係嫩口得黎都幾多肉汁, 真心好正, 而且只係180蚊半隻, 幾抵!叉燒-$40開左個盒見到賣相都幾靚, 唔會乾爭爭咁, 咬落得唔會口感好好, 有油脂感但唔會過於油膩, 有少少蜜油味好送飯總結D間燒味性價比高, 服務幾好, 唔怪得咁多街坊光顧, 我地一定會再試其他野