Ulyssa by Aldou (已結業)

朋友極力推介荔枝角呢間西餐廳，今晚我哋就一於嚟試下。裏面嘅環境暗暗哋，而且好靜，啱曬兩個女仔一齊嚟傾下偈，食下飯。我哋叫咗個二人套餐，個餐湯配埋個飽，個飽並唔係用蒜蓉飽，好特別，配另一種飽而且係配埋黑醋同橄欖油，好好味，個沙律係牛油果沙律，啲蔬菜好新鮮，味道酸酸地好開胃。我哋仲有一個主菜係大啡菇黑松露意大利飯，個飯軟硬適中，個大啡菇仲好大隻，廚師煮得味道很好 我和朋友都大讚！個套餐實在太多嘢，我哋兩個女仔最後食到好飽，好滿足！