重慶燒燒烤旗艦店 (已結業)

上星期日小胖男友話放假要去圓方捉小精靈 但由於圓方食店選擇唔算多 亦比較貴 所以我就search下附近有咩好食原來近柯士甸站有一條文英街有好多食店 其中串燒店已經有好幾間我地揀左有兩間分店既重慶燒專門店試下原來呢間重慶燒專門店唔單止有串燒同燒海鮮食 仲有好多估唔到會有既菜色 泰式生蝦, 蒜泥白肉, 辣酒煮花螺,連雞煲都有 選擇都真係幾多我地點左蟶子皇, 蒜蓉扇貝, 燒雞翼, 海蝦, 芝士煙肉燒大菇, 煙肉車厘茄, 金菇牛肉 仲有粟米同韭菜蟶子皇 同 蒜蓉扇貝好大隻, 夠爽口雞中翼燒得夠香 加左重慶辣粉 味道不錯芝士煙肉燒大菇就最好味 熱辣辣 好香芝士同菇味 yummy粟米超大條 真係原條畀晒你 夠晒甜 抵食反而韭菜就重手左 有dd咸 基本上所有串燒都抵食同好味小店連Hoegaarden rosee都有得飲 岩晒三五知己一邊嘆串燒一邊摸住酒杯底傾計