串 (已結業)

朋友請食生日飯，我又無咩特別想食，所以由朋友拍版。考慮左好耐，終於決定黎呢間。首先狂風掃落葉叫左幾多野，但最後黎既份量係超少。第一碟上場係刺身，無咩貴價貨係預期，但見到佢切到咁精緻，即係細件，不期然一笑，味道同價錢正比，百零蚊一個人唔好要求咁高，只求唔好食物中毒就算。清酒煮蜆，完全無鮮味。串燒唔係叫左好多，其中一串牛，又係精緻到不得了，每粒大小如雞軟骨......既一半，真係忍唔到笑左出黎。其餘一般，食完可以完全無留低印象。D單甩甩漏漏，上得又慢，催左兩次單，至黎到一碟天婦羅蝦，蝦都叫有蝦味，不過炸漿唔得，黎到時已經淋晒，個汁其實係得醬油，見唔到有蘿蔔蓉，到埋單我估計黎左十五碟，即每人食五碟，但有好多碟都係份量超少，原先想試下味，過得去的話再叫，結果連試味既機會都無。下次再有人請，我都一定唔會再黎，多謝晒。