串 (已結業)

同死黨二人飯局，貪呢間野人少夠静方便吹水，結果中大伏，每人接近兩舊水的放題基本上係壯烈犧牲，絕對冇下次!食物方面，先講鐵板燒， 食材其實唔算最差，但胡亂整熟上碟實在不敢恭維。睇住九十後mk小廚師求其亂兜，邊唱歌邊做， 果個場境真係甚有喜感。 雖然明知你地係冇正式培訓過，係亂黎，都算! 因為我佩服你地予工作於娱樂!不過真係要講句，太難食喇…串燒方面，牛肉香口膠，雞肉唔夠熟，雞軟骨乾哂，素菜又油得滯， 燒冬菇仲要係凍既! 最叻係樣樣野都可以冇味，你灑幾粒鹽都好丫。魚生……唔靚唔新鮮就梗架啦，得幾款揀仲可以其中超過一半都暫停供應! 壽司……建議用手，因為一夾即散。其他野食都冇乜好講，因為點果樣冇果樣! 成晚真係冇乜野食過!講下服務，唉，後生仔野唔係咁做架，雖然我唔知你地有冇糧出，但野食求其pat低，唔收碟，不聞不問，點左既野冇又唔話返比客知 (我都知好難，因為太多野係冇供應), 但點兩次汽水啫你地唔好漏哂丫，冇提醒last order, 算! 因為都冇野好食，但未叫埋單情况下，無端端擺低張單，找錢又係唔出聲静静擺低，喂，同顧客溝通講句野唔駛死啩?環境衛生，都係算把啦，我地坐bar枱，近距離睇住鐵板燒同魚生檔，我可以話，早知坐遠d眼不見為乾淨，在這個惡劣的環境，睇住個外科實習醫生戰戰兢兢地解剖舊三文魚，我諗起在非洲救人那些無國界醫生的偉大……經典! 真係經典中的經典! 建議正在研究社會新生代問題的學者或學生，一定要惠顧親身感受一下!…查看更多

於約9：05抵達，與友人正式入座前，職員表示是晚沒三文魚供應，且於10：00為last order，因太肚餓的關係，我們也沒多考慮，也沒先上開飯看看此店的食評，便進場。萬萬沒料過這隨便決定是本年度最差的決定。先說一下食物款式，種類也還是可以的，不過不失，基本日式放題：炸物、刺身、串燒、壽司也有提供。再說一下食物質素，總的來說，是劣。剌身不新鮮，且欠缺款式。麵屎湯咸得很，串燒不熟且沒有味道，芝士波變成變色芝士波，也都炸成深黑色的，賣相可怖。服務態度絕對是差中之差，不能再差。是的，我深深明白服務從業員不好做，辛苦得很，可這餐廳的員工絕對是垃圾。先是桌子號碼寫在墊枱紙上，卻沒有知會我們，那我們當然不知曉，後來給員工提醒了。好了，上菜之時，一般也會把菜端在中央又或調整一下其他碟，騰出空間，可是，有性格的店員也都一一把菜放在桌子邊緣。還有，一整晚，侍應也只替我們清理過一次桌面，大概他們是趕收工。最後，最精彩的要數趕客。基於該店說明好10:00 last order，於是我們在9：57入最後的單，食物來到之時已是10：05，最後的食物是10：10來到，好了，正在我們努力食之時，一侍應走過來，問：「您們的食物還要不要？」天！到底是什麼邏輯？設定優惠時段是在9：00後，10：00 last order也算，到最後一輪的食物來到後，還要被不友善的趕，前後用餐時間不到一小時。只能慨嘆今時今日，這樣的服務態度，加上這樣的食物質素，還可以生存。…查看更多

唔會再光顧的一間日式放題，八點幾食飯時候都係得幾枱人。環境方面，幾靜，衛生。不過燈光有少許幽暗。食物方面，炸物同小食好差，炸物上枱唔熱，章魚小丸子好淋，咬落口成堆粉咁，串燒好油又濃味，食完好口渴，羊架有好大陣羶味，要落七味粉先入到口。飲品選擇少，基本上得汽水，但汽水又淡而無味。服務方面，侍應有時見到碟都唔會收，行過幾次都係咁。總括黎講，一定唔會再幫襯喇。中伏之選…查看更多

應該不會再去食，環境方面，燈光較幽暗，但食物方面較差，羊肉太羶，牛肉粒和雞軟骨太硬，汽水淡而無味，沒有甜品，刺身和壽司的選擇較少。價錢方面，好貴。總結，價錢貴但d食物又吾好味。…查看更多

雖然唔可以用極難食來形容，但用難食這兩個字來形容它的出品，就真是當之無慚，主打燒烤，拿出來竟是凍的，湯類食物勁多味精，炸物多油又無味，天婦羅唔熱又包着軟軟的一大舊面粉，刺身的䱽魚一片片硬的有点像咸魚，總之今餐是我在2014年暫時來說是最差的一餐。日式放題，我要對你說再見，試過今餐.........怕怕。…查看更多

之前睇過食評, 都知道食物一般，所以沒有太大期望，不過朋友喜歡呢度夠靜，坐位夠闊，吾會太迫 ! 就去試吓，去到大約八點半，只有4－5枱客，心知不妙，食放題緊係叫咗刺身先啦！種類吾多，基本嘢，三文魚刺身肥美，厚切，都OK喎，希靈魚，魷魚，墨魚，赤貝都不過不失，無咩特別，味道都可以接受，至於熟食，種類都係一般放題嗰啲，牛肉鍋味道淡咗啲，壽司就一般，啲飯比較硬，火焰壽司好食啲夠香，一口牛同串燒牛都值得推介，夠淋同夠juicy都，羊架好so，:(啲炸物就麻麻，吾熱只係暖暖的，燒翠玉瓜好味，但茄子就好油，有個叫薯仔沙律幾特別有啲洋蔥粒架，好味:)上菜速度都快，無咩漏單，可能客少，員工態度都0K，唯一吾好處就係好似趕住收工，9：45就 last order！仲要未食完啲食物就收碟，抹枱，好似想我哋快啲走咁:(不過以＄196 呢個價錢，我諗我會選擇其他放題！…查看更多

中午2點左右到此店,不算,價錢中等,但散叫食物都很多漏單 .而且有menu上寫了(一份)的價錢可以只上一件,叫了店員跟進才知道廚房是隨心所欲的堆砌數量就上菜了. 刺身算新鮮，火焰壽司-配上鮮的刺身後火焰,味道不錯 ,沙律-一般炸物-粉不厚,個人比較喜歡熱辣辣的.但此店的炸物上枱後不熱,各款味道一般,沒有特別推荐的.玉子串,茄子的燒汁不錯,不會很咸其他食物的味道很一般，不推荐到這間.…查看更多

之前睇過食評麻麻地,所以一路都冇試但聖誕 果晚荃圍周圍好多食肆都霸得好犀利,見呢度有位就即管試下...點知可以差成咁,唔怪得聖誕夜都可以唔爆,WALK IN就有位,個場已經唔大,只得不夠廿人(約5-6桌),一半位都坐唔到入正題:刺身:雖然食放題都預左唔可以有高要求,咁少顧客都可以漏單,好耐都唔到,終於明點解,因為師傅要好"細心"咁將每件都切到好薄好細塊,是一般出面放題既4分之一咁,食落口完全冇口感~~刺身BAR得一位師傅切刺身,但竟然有時間同其他同事係到傾計,未見過邊間放題刺身師傅咁得閒,有D仲係有幾位師傅一齊做=.=火灸三文魚壽司:算係全晚食左既野 較好食既一樣熟食炸物:通常都黎得好快,但竟然都可以漏幾次單,而且好耐先黎,黎到仲要唔係熱既,炸蠔入面FEEL到係凍既,好似岩岩溶雪咁     串燒有D好似烚出黎一樣,冇咩味,但有D又咸到過頭,又咬唔到太"UN"服務態度: 係最唔滿意既部分,食到成桌空碟要疊高都冇人黎收,放左係到10分鐘先有個類似經理既黎收碟,明明已經有好幾個侍應行經過,手上冇任何野,好肯定佢見到都唔汁!!有D拎野食埋來,隔硬搵個位放低就走左,亦唔見佢轉頭就黎汁走D空碟有食客走左,佢地就去收那些桌上既野,反而我地冇位放野食,都冇人黎收碟= =感覺上入到去好似冇人理你咁…查看更多

叫左吉列蝦烏冬，燒牛肉粒，秋刀魚，帶子。嗰碗吉列蝦烏冬，又吾熱又難食，啲蝦超多粉，又細隻，仲細過甜蝦。麵鼔湯凍的，一口牛硬而且凍，燒秋刀魚就無乜特別好或差。總括而言，免費都吾會再黎。…查看更多

與家姐睇完電影後差唔多1pm,幸好當時唔駛等位,而menu上的set lunch真的有很多款,達20多款吧!!而我揀左一款野菜牛肉鍋定食 $46以為質素唔會差…但可惜整份menu上係無任何圖片作為參考的… 雖然價錢唔係貴,所以也膽粗粗地order一份較為有興趣而試試看吧~野菜牛肉鍋定食 的確有個熱鍋, 個湯底實在藏著很多味精 湯底過多油吧?!!?附滑蛋,但被味精污染了….而野菜方面,有金菇,椰菜,一片鳴門卷…雖然係好多味精,但整個鍋無乜味道可言…更加無特色之處!! 牛肉的質素實在普通得很,屬中下貨色吧!!!不太爽!!!**定食套餐附麵豉湯,用麵豉湯沖出來的…哼!飲左1啖便無飲落去o既興致…1粒豆腐也沒有…沙律 更想不到沙律汁係辣的 從menu上及職員口中完全無提過沙律係辣 我更加未試過0係一間日本料理餐廳食的沙律係辣囉…更加更加未試過吃沙律的菜如此「碎」!!!!到底點搞ga??? 勁難夾起來吃…職員的服務態度很差勁!!全場的職員他們雖然年輕,但佢地完全唔專業,也不友善!! 因我地坐的係2人桌(非卡位),整行的2人桌的距離好近,一橫行 共4張二人桌,而佢地上菜果陣好鬼懶,Eg. 佢地想為中間果兩張2人桌上菜,佢地會經最右邊直接伸長隻手,叫客人接住d食物咁樣黎上菜..實在非常之危險!!!完全唔專業!! 搞到進食途中,要咁樣讓個位俾佢伸隻手來上菜,實在好麻煩!! 其實2人桌的後面又唔係空間好細,佢行都可以行多一兩步入去上菜啦見到桌上的餐紙原來0係幾個地區的大商場也有分店,所以以為服務態度+食物質素唔會差,點知……與家姐一致決定永不再到此店光顧,實在很可惡!!…查看更多

依間野完全唔掂！小野食以經算、叫乜都漏單仲要出得慢！追佢單聽左就算,D待應成日唔知去晒邊 ,其實冇咩人得幾枱姐！浪費我時間!汽水只飲得一杯!返叫都漏單 !激到我埋單即刻走！唔知食左咩落肚！dinner時段兩位$392! 一句講晒以後唔會再來 …查看更多

首先..它真係唔駛等位..但我9點入座..己被告知9:45 last order,可以坐到10:30..但平時是11pm..其實都不緊要..爭取時間下單..1黎我們3人行落刺身20件3文魚加其他刺身|結果它黎住8件3文魚+其他小刺身 感覺好像比人應酬住先之後 台面黎左至多少5,6碟都仲未有野飲 要叫先有人理之後keep住漏單 我們要係咁吹但與此同時 d侍應已經開始換緊3 到9:45pm 已經開始有人執野你完全係感覺唔到有人在服務你 d服務生年紀細唔緊要 但一d專業態度都冇!!d單又係咁漏 個個好像唔想做咁!!服務差到爆!!!!!!!!!!!!!…查看更多

第一次嬲到要寫食評去鬧的一間放題!!!!同老婆結婚第一個月,諗住去擦餐勁的放題啦!!!今日係平日,人數唔算多入到去食左幾張紙,黎到......D食物一般啦......再寫ORDER紙.......黎到.......愈寫愈奇怪....好多寫左的食物都無到........再寫......呆等左半個鐘......終於忍唔住叫人去CHECK單發現......後來加的幾張ORDER全都無入到叫人幫手追單.....愈叫就愈走........等到有人黎之後叫佢入單快馬.......等呀等.........最後叫多次飯同麵......只係黎左拉麵........仲要D肉係凍既.....最後都係忍唔住,爆左幾個樓面一獲.....$370賣單....好老實.....咁既服務水準........以後所有朋友的聚會,生日,慶功都唔會考慮佢!!!!!…查看更多

我今日係同四個fd總共五個人走去食放題[$165／1及加一]，個個都係第一次食，但又唔記得上黎睇食評就中左伏。我地五個人因為book左枱830pm，去到見到around七成滿，一去到就入得坐，野都未叫過，雞翼就到左[但大前題係我啱啱坐低]咁就上左菜，都唔緊要，唔小心姐。然後就點菜，加埋野飲[全部都叫哂忌廉]，點左大約十幾樣，隔左一陣就有個staff過黎話冇忌廉，咁就全部轉哂雪碧，再隔一陣，佢又走過黎，今次拎埋 miranda橙汁過黎話：唔好意思，我地雪碧都冇，橙汁好唔好。但最後我地要左百事。其實真係幾無奈，想飲咩就冇咩，你雪櫃冇咩，你自己都唔知？哈哈，唉！到上菜，速度都還好，第一樣黎到嘅係牛肉煲，係石鍋果種，通常ed鍋都會覺得佢就算唔滾都應該熱丫但點知係微熱地...之後黎親果jer熱食都係暖...我地又叫左碟雜菜，苦的。一碟菇，算新鮮。清酒煮蜆，蜆味冇咩其實遇左，但又係暖。sushi 係正常少少，但我個fd食有舊北寄貝冇啦啦kwok一聲，嚇親囉。雖然$168唔算太貴，但都唔係咁嘅quality掛？但唯一一點可以讚下嘅係上菜唔算慢嘅......…查看更多

我個日去食午市，12:00左右入座，人唔多唔洗等位，咁就同幾個friend走黎食......睇個餐牌好似幾抵食,咁我就叫左1個拉麵﹑1個手卷﹑幾舊壽司同杯汽水...d friend叫咩我唔記得...叫完之後吹下水,15分鐘左右先有壽司黎...d壽司好型,大部份都係散既,d飯同d魚生分開兩邊咁制...ok算,舊壽司冇味既,ok都算...等左30分鐘左右仲未有其他野黎,就開始吹...吹左好耐,差唔多12:45分先黎個拉麵...個拉麵份量少都算,食完我想要張紙巾抹嘴,咁就同個侍應講話要張紙巾,我咁大個人未試過一間餐廳係要張紙巾要吹n次都唔黎...我估係冇晒紙巾定點,佢連交代都冇,一路比我吹手卷﹑野飲同紙巾,最後1:10先黎個野飲...一間餐廳斟汽水要1個鐘真係聞所未聞...等到1:20分,我地等無可等唯有走人,畢竟我地都趕時間...至於個手卷，最後都冇黎到...錢就照收我,真係火都黎埋,以後唔會再幫襯呢間野…查看更多