影片
更多
2010-04-15
40 浏览
上個月同朋友食咗晚飯，聽聞KEY WEST雪糕好好食，就嚟咗呢喥啦. 好似八點左右，都仲有啲人等位，我同朋友等咗一陣就入到去. 一去到，個侍應都幾好，拎埋MEUN給我們，我哋因為食咗嘢，淨係叫咗甜品嚟試： $12 綠茶軟雪糕：好平！好抵！雪糕好香軟！綠茶味好濃！朋友唔多鍾意綠茶味，但都讚好！正！ $32 黃豆粉黑蜜糖日本軟雪糕：朋友揀咗呢款雪糕，黃豆粉好香好特別，黑蜜糖出奇地同黃豆粉超級夾！唔會太甜！好香！正！ $4X - 5X? 士多啤梨雪糕：普通，我寧願食某連鎖食肆的士多啤梨新地算...餐飯去到呢喥就OK！但之後朋友埋單碌卡，個黑衫人走埋嚟（唔知侍應定經理.. )就面露不滿，好似話我哋食得少嘢咁， 最惡係佢一嘢掟張單埋嚟，THANK YOU都唔識講話，連一句唔該都好，就手指篤篤就叫我朋友簽喺張單上面... FINE，我朋友都無嘢，幫佢簽. 點知黑衫人就一嘢行開咗，由得我同朋友同埋張簽咗的單喺喥... ！！服務態度真係一絕！後尾終於等到佢返嚟，佢就又係咁冷冷講句："簽埋呢喥！" 再手指篤篤張底單，好似我哋幫佢打工咁款！！ 如果黑衫人係睇我哋淨食甜品就擺呢個面口，我哋對呢間嘢同黑衫
好似八點左右，都仲有啲人等位，我同朋友等咗一陣就入到去. 一去到，個侍應都幾好，拎埋MEUN給我們，我哋因為食咗嘢，淨係叫咗甜品嚟試：
$12 綠茶軟雪糕：好平！好抵！雪糕好香軟！綠茶味好濃！朋友唔多鍾意綠茶味，但都讚好！正！
$32 黃豆粉黑蜜糖日本軟雪糕：朋友揀咗呢款雪糕，黃豆粉好香好特別，黑蜜糖出奇地同黃豆粉超級夾！唔會太甜！好香！正！
$4X - 5X? 士多啤梨雪糕：普通，我寧願食某連鎖食肆的士多啤梨新地算...
餐飯去到呢喥就OK！但之後朋友埋單碌卡，個黑衫人走埋嚟（唔知侍應定經理.. )就面露不滿，好似話我哋食得少嘢咁， 最惡係佢一嘢掟張單埋嚟，THANK YOU都唔識講話，連一句唔該都好，就手指篤篤就叫我朋友簽喺張單上面... FINE，我朋友都無嘢，幫佢簽. 點知黑衫人就一嘢行開咗，由得我同朋友同埋張簽咗的單喺喥... ！！服務態度真係一絕！後尾終於等到佢返嚟，佢就又係咁冷冷講句："簽埋呢喥！" 再手指篤篤張底單，好似我哋幫佢打工咁款！！ 如果黑衫人係睇我哋淨食甜品就擺呢個面口，我哋對呢間嘢同黑衫人非常失望！如果係你唔識得講 "唔該" 同 "多謝" 呢啲字詞，我諗佢要重新再學過.
一次就夠，無下次！
张贴
