漁獲浜燒 (已結業)

日本朋友過咗嚟香港玩 幾日就話好掛住日本野食🤣待客之道就梗係唔可以失禮人啦🤔之前已經同其他朋友食過一次漁獲覺得好正 所以就決定呢間啦 包無甩拖一入到去已經係居酒屋格局 朋友勁鍾意 話好似返咗日本咁😍來福 愛山 純米大吟釀 $348咁高興 兩個女仔當然要小卙一番🍻試過幾次愛山米嘅清酒🍾好似十四代咁 都係味道較濃厚 而花酵母釀出黎嘅來福愛山純米大吟釀反而係相當清爽🌿以香瓜,瓜果皮一類香調為主體🥒隨而帶出一絲菠蘿同蘋果一類氣味新鮮嘅水果🍍🍎又帶微微花香🌸係最輕柔嘅愛山 個人認為較為適合女仔👧🏻黑松露炙燒平目魚邊沙律 $138我同朋友都好鍾意食黑松露 所以呢個係必點❤️沙律落重料 起碼有5pat大大pat嘅黑松露醬😆平目魚邊滑溜溜 而且經過炙燒外熟內保持鮮嫩 配沙律真係一流👍🏻金目鯛 $580係北海道嘅金目鯛🐟朋友見到餐牌有即刻話要食 職員同我地講返話金目鯛係每日限定 今日得兩條 好彩我哋黎得早 有得食 lucky😆朋友話金目鯛幾乎係日本嘅名產魚 估唔到呢度都有😱因為來自日本嘅金目鯛 全部都係由當地漁民垂釣嘅漁獲 相當罕貴 即使預計每星期可以進貨兩次 但數量都唔多😢金目鯛魚肉呈淡淡嘅櫻花粉紅色