小蟻人 甜品西餐 (已結業)

今日心情好靚，食lunch同想食下甜品消消暑，於是去左呢間餐廳食。餐廳內環境很優雅、寬敞舒適。點左卡邦尼銅模意粉，食落香濃，每條意粉都沾上忌廉汁真係好creamy 另外一份忌廉白汁雞皇飯轉意粉，雞肉很鮮美，仲有菇菜伴，相當有份量。飲品點左是日特飲既檸檬薏米水，入口消暑解渴，美白肌膚，薏米又可清熱，配片檸檬更為清甜，so fresh 馬來沙嗲雞肉串，雞肉配上沙嗲汁十分惹味，仲有青瓜、蕃茄粒做配菜好清新。鹽酥魷魚炸得很香脆，點上沙津醬更加滋味，仲有沙津菜伴 喺lunch set 加配既焦糖燉蛋，d蛋幾香滑清甜，焦糖好sweet 餐後當然要叫番個甜品- 綠茶窩夫配雪糕,賣相相當吸引，窩夫咬落很鬆脆，滲出淡淡既綠茶香味，仲係配Movenpick 雪糕，還要有芒果肉伴底，有驚喜，而且食落係好香甜既呂宋芒 呢間餐廳食物質素幾好，價錢合理，如果想食餐食埋甜品糖水係不錯既選擇。