影片
更多
2024-07-15
1635 浏览
《粵軒 - 灣仔》多得朋友帶挈，令到我成日都有好嘢食🥰今次同樣都係去咗位於六國酒店入面嘅餐廳，不過今次就唔係食自助餐啦，今次就試左佢嘅中菜😎原來粵軒係一間好有歷史嘅中菜館，好多懷舊嘅傳統菜式喺呢一度都仲食到㗎🤓當晚我哋五個人一共食咗十款菜式，有啲已經係市面上好少見到嘅懷舊菜，而10款美食當中有三款都係甜品嚟㗎😉仲有幸食到呢度主廚嘅拿手台灣菜式左宗棠雞添🤓邊飲紅酒邊食飯聊天🥰當晚嘅時間真係過得好快💁🏻♀️大良野雞卷第一道菜式已經係十分難喺坊間試到既粵菜，用左玫瑰露醃製肥豬肉，食落有蠟肉既油雞，再用瘦肉包裹炸至酥脆，食落油香十足，非常惹味🤓最得意既係佢雖然個名有個雞字，但呢道菜入面係無用雞去製作的💁🏻♀️江南百花雞用上新鮮既雞皮製作，風乾至雞皮無曬油份後再釀入蝦膠，外脆內嫩，有雞皮既香脆但又食到蝦既鮮味，令人情不自禁想夾多一件，仲可以點埋佢個甜酸汁提鮮添👍🏻💁🏻♀️懷舊鷓鴣粥與其話佢係個粥，不如話似係個羹多啲，原來呢個名係以前人地對佢既稱呼，所以到而家大家都會叫佢做鷓鴣粥，入面用上左鷓鴣肉同埋肝臟熬煮，食落清甜得黎又唔會令人覺得好heavy，十分適合食完前菜後用黎清清味蕾既湯羹💁🏻♀️家鄉
多得朋友帶挈，令到我成日都有好嘢食🥰今次同樣都係去咗位於六國酒店入面嘅餐廳，不過今次就唔係食自助餐啦，今次就試左佢嘅中菜😎原來粵軒係一間好有歷史嘅中菜館，好多懷舊嘅傳統菜式喺呢一度都仲食到㗎🤓當晚我哋五個人一共食咗十款菜式，有啲已經係市面上好少見到嘅懷舊菜，而10款美食當中有三款都係甜品嚟㗎😉仲有幸食到呢度主廚嘅拿手台灣菜式左宗棠雞添🤓邊飲紅酒邊食飯聊天🥰當晚嘅時間真係過得好快
💁🏻♀️大良野雞卷
第一道菜式已經係十分難喺坊間試到既粵菜，用左玫瑰露醃製肥豬肉，食落有蠟肉既油雞，再用瘦肉包裹炸至酥脆，食落油香十足，非常惹味🤓最得意既係佢雖然個名有個雞字，但呢道菜入面係無用雞去製作的💁🏻♀️江南百花雞
用上新鮮既雞皮製作，風乾至雞皮無曬油份後再釀入蝦膠，外脆內嫩，有雞皮既香脆但又食到蝦既鮮味，令人情不自禁想夾多一件，仲可以點埋佢個甜酸汁提鮮添👍🏻💁🏻♀️懷舊鷓鴣粥
與其話佢係個粥，不如話似係個羹多啲，原來呢個名係以前人地對佢既稱呼，所以到而家大家都會叫佢做鷓鴣粥，入面用上左鷓鴣肉同埋肝臟熬煮，食落清甜得黎又唔會令人覺得好heavy，十分適合食完前菜後用黎清清味蕾既湯羹💁🏻♀️家鄉釀鯪魚
我對上一次食到呢度手工菜係喺順德既一家功夫菜館，以我既認知呢度菜既工序好繁複，又要幫鯪魚起肉又要小心唔好整完個皮，仲要去骨果下麻煩呀，所以點解呢度菜喺香港已經買少見少🥹呢度既釀鯪魚仲係見到原條魚既外型，入面既釀鯪魚肉加入左馬蹄增加口感，就咁食已經好夠味，外皮又夠脆，熱辣辣幾好味😋💁🏻♀️台山焗蟹砵
I like this!!!上枱個外貌好得體，蟹肉食落十分鮮味，平時少食肉蟹既我都表示正👍🏻個蟹砵入面係蒸蛋同蟹肉絲，不過特別之處係蒸完個蛋之後，師傅再用上熱油慢慢燙熟埋蟹砵既表面，可以食到煎蛋同蒸蛋兩種不同既口感，配埋蟹肉食超鮮味💁🏻♀️荔蓉香酥鴨
呢度菜都係my favourite ❤️ 我好喜歡食芋蓉架哈哈😍就有啲似平時飲茶食到嘅荔芋角咁，不過佢下面再夾埋鴨肉件一齊炸，同我一樣喜歡食芋泥既話一定勁喜歡的😎我當晚偷食左三件🤫其他只食到一至兩件炸💁🏻♀️左宗棠雞
粵軒主廚既拿手菜式之一，係一道台灣有名既傳統手工菜，味道帶甜，但又有點似四川既椒辣感，食落味道多層次，先甜後辣再麻，連個汁惹味到可以用黎扒飯架😎有人因此食左兩碗半飯🤫💁🏻♀️蓮蓉西米焗布甸
甜品既蓮蓉西米焗布甸口感綿密，味道無想像中咁甜咼，因為個西米中和左不少蓮蓉既甜膩，不過食曬成個都幾飽架，同人share 會比較好🤭💁🏻♀️杞子桂花糕
呢道既杞子桂花糕用左真茶底製作，食落除左有桂花既清香之外，仲淡淡地透出一絲絲既茶香，啱曬喜歡食傳統甜品既人😌我個人都幾喜歡的💁🏻♀️桂圓紅棗茶
又係一道養生既甜品，十分適合女士們飲用，唔會死甜既感覺，但又有桂圓既清香同甜蜜，飲完們身暖暖的好舒服
张贴
