影片
更多
2009-03-17
17 浏览
今日因為想清下腸胃，食素都好喎，不如食沙律。記得有次IFC個平台公園見個西人買一大盤沙律外賣，幾吸引，但又唔知佢確實位置，所以上openrice.com搵，終於搵到佢。去到見到堂食沙律一大盤一大盤，份量十足。個樣望落就幾好，唔知食落會點？話明食素，食沙律，更係唔加乜鬼steak，chicken，egg 啦，仲要揀樣爽口style。要Asian Salad (Naked)。不過話時話，真係幾多人幫親 ( 話晒都中環區)，堂食坐無虛席。我更係take-away。但原來走都要等十分鐘。點解? 因為實在係多人買，以及整過salad製作係即叫即整，仲會分steps(唔同人做唔同steps):1. 執料，唔同order執唔同料比你;2. 切細，執完之後再用"半月灣刀"幫你切細塊少少，容易"一叉一口";3. 落調味及搞混，落完特定的dressing後，會幫你落個鐵盤搞混，再放入個膠盤度比你帶走。整個過程，十足去藥材舖買中藥咁，所以要等下。買完，等完，返到office開餐，正題現在才開始。我叫的Asian (Naked) Salad (Naked 即是無加肉類或其他額外配料)，本
去到見到堂食沙律一大盤一大盤，份量十足。個樣望落就幾好，唔知食落會點？
話明食素，食沙律，更係唔加乜鬼steak，chicken，egg 啦，仲要揀樣爽口style。要Asian Salad (Naked)。
不過話時話，真係幾多人幫親 ( 話晒都中環區)，堂食坐無虛席。我更係take-away。但原來走都要等十分鐘。點解? 因為實在係多人買，以及整過salad製作係即叫即整，仲會分steps(唔同人做唔同steps):
1. 執料，唔同order執唔同料比你;
2. 切細，執完之後再用"半月灣刀"幫你切細塊少少，容易"一叉一口";
3. 落調味及搞混，落完特定的dressing後，會幫你落個鐵盤搞混，再放入個膠盤度比你帶走。
整個過程，十足去藥材舖買中藥咁，所以要等下。
買完，等完，返到office開餐，正題現在才開始。我叫的Asian (Naked) Salad (Naked 即是無加肉類或其他額外配料)，本身配料都幾特別下，除了一般疏蔬菜，還有杏仁，豆角，甜橙，脆炸麵條碎。本身d蔬菜已經新鮮到不得了, 加埋d配料，成個沙律爽口到...不得了!
Dressing 方面，有鹹鹹地，酸酸地味道，好開胃，好醒神! 有好似有d麻油味道，好香。
份量方面，唔使講，係多，勁多! 食到我本身係"火鍋焚化爐"的一位年輕壯男，未食晒成盤，都覺得飽; 但因為太爽口，味道太開胃，最後都食晒，仲覺得有d唔夠候。
但係，我覺得d甜橙太甜，整體配合起上黎有d怪雞。
另外，hk$58 一個咁沙律，真係唔平! 但同返附近一帶賣開沙律舖頭比較，以佢咁質數同份量，hk$58最低消費。亦算合理。
张贴
