一葉台灣料理

营业中

休息中

平時返工lunch最鍾意就係呢一間台式餐廳食午餐，但係食晚餐就真係第一次啦，冇諗過晚餐時間餐廳都咁多人！見到佢餐牌有推介呢個台式蔥油拌麵配雞扒，我就同朋友嗌左啦！平時都已經好鍾意食佢嘅雞扒，睇佢嘅樣都見到佢炸得非常香脆，肉質亦非常嫩滑，配埋佢酸酸甜甜嘅醬真係好好食！佢嘅份量中等，醬料唔會太鹹或者油膩！我哋亦都嗌多左一份炸花枝酥，炸得好香脆，食落去唔會好鹹，而且食落去仲會咬到一粒一粒嘅花枝！為食嘅我哋仲帶多咗一個三杯蛋豆腐！一上菜嘅時候熱辣辣，而且豆腐嘅份量非常多，豆腐好嫩滑！最後仲帶咗呢一個台式黑糖糕，啲店員你送上嚟嘅時候，仲好貼心咁樣介紹佢哋嘅黑糖糕係特別整少甜嘅，食落去唔會頸渴！