奇樂香辣雞煲 (已結業)

見到open rice咁多好評，book左枱，3個女仔滿心歡喜夜晚食雞煲。上樓之後，環境幾舒服，唔會太逼，有幾個職員輪流招待，又俾個調味盒你加辣椒，蒜蓉等調醬油（後來賣單先知3個人要收40蚊醬油錢），仲覺得服務幾好。3個女仔好快決定要個2人餐，餐牌寫住有雞，四樣自選材料（芝士丸，牛肉等等），重包兩杯飲品。其實我地一心想食隻雞，所以諗住叫住2人餐先，其他料唔夠食再加單。好快個煲送左黎，我地每人食左兩舊雞（已經唔好講d肉又小又'鞋'） ，成個煲已經得番d洋蔥，2舊雞x3個人，原來個煲係得total 6舊雞。我地以為俾小左，就問下個侍應，個侍應不知所措，就叫左個看似高級d既侍應(都係後生仔黎，仲著住條短褲) 出黎解答。一問之下，原來2人餐入面雞既份量係1/4隻，而餐牌上從來無寫，我地覺得有誤導成份，就算係2人餐，最起碼都有半隻雞掛？？係呢個時候，個'高級侍應'就話不嬲都無人講過呢個問題，個份量係reasonable，如果係二個男人食，佢就會落單時提示下。重話其實二人餐無人預我地三個人食，酒樓例牌都無寫明份量啦。咁姐係我地唔岩，應該叫三人份量既餐，咁起碼應該有半隻雞，分番每人應該有4舊雞食？但