。最近天氣凍凍地，大家都想去食個羊腩煲暖暖身！search到呢間麻市滋味館有成2百多個好評
，一於就去try try啦。同一般ge大排檔差不多，環境同衛生都係麻麻。一心想食羊腩煲ge我地，去到先發現羊腩煲已經停售左，要到十月先有得食
，但心諗呢間都高評分？一場泥到都照坐低試下佢其他菜式啦。
冰鎮鮑魚見最多人讚好就係呢個冰鎮鮑魚，size都幾大隻，入口係有咬口得泥又唔會韌，不過就冇咩鮮味
，基本上就係當佢係刺身咁食，如果唔點鼓油wasabi ge話，真係冇味可言，每隻要$68來講就唔太值啦。
冰梅肉排一粒星都唔想俾ge系列！首先個汁真係調得麻麻，其次係d肉排啖啖肥膏
，真係冇咩肉可以食！
豉椒聖子皇成晚最好味ge係呢個炒聖子皇，真係大大隻，惹味兼入口爽彈，不過價錢係以時價計，叫左例牌一碟有4隻聖子要$158，除返開差唔多$40隻都唔平。
今晚真心食到一肚氣，大排檔質素仲要收加一，3碟菜埋單要$625，貴夾唔飽
！職員服務態度都還好，唯獨係啤酒妹態度非常惡劣，佢過泥sell啤酒，因為只有1個朋友飲酒，所以我地話要1支就夠啦，跟住佢就即刻黑哂面，最後仲死都拎左3支啤酒放我地枱面
！好在埋單果時同職員講返我地淨係飲左1支，佢都肯退返果2支酒。
