影片
更多
2004-12-28
9 浏览
我今晚約左一大班朋友去小肥羊，由於我第一個到，所以便埋去知客到攞擡（一早訂左十三位）．個知客寫左張紙話ｖ１房，要最低消費一千元，電梯上一樓． 我上到一樓，比張紙比個服務員，點知佢話ｖ１房係三樓，要我上三樓，唉！比人點一次都算，點知上到三樓，又找個服務員話要ｖ１房，佢又話ｖ１房係二樓，又點番我落去，真係豈有此理，我就話已經比人點左兩次．唔想再比人點黎點去，叫佢同我一齊落二樓找ｖ１房．去到二樓發現張檯基本上只係八人檯，好鬼細．不過都算，等到人齊發現我地有成十五人，問佢可唔可以有張大檯，等左好耐，先話無大檯，咁我地又問可唔可以轉圓橙，又攪左好耐，先可以找到幾張圓撜比我地．咁我地開始叫野食同飲品．叫左兩渣飲品，個服務員比個一渣野我地，咁我個朋友張個渣野先放係地下，因為有其他食物上緊檯，但係個女服務員上菜時打破左地下渣飲品，整度成地濕曬．我地諗住算啦，以為過一陣佢攞番渣野黎就算，但係等左好耐都無到．咁我地就追佢上番渣飲品，點知佢話佢唔可以補番比我地，要飲我地就要自己再落單，我地就覺得有問題，佢打破渣野又唔陪，咁我地就叫經理講數，經理到左之後，個服務員仲好大聲咁話佢掂都無掂過，唔係佢打爛，一定係我
咁我地開始叫野食同飲品．叫左兩渣飲品，個服務員比個一渣野我地，咁我個朋友張個渣野先放係地下，因為有其他食物上緊檯，但係個女服務員上菜時打破左地下渣飲品，整度成地濕曬．我地諗住算啦，以為過一陣佢攞番渣野黎就算，但係等左好耐都無到．咁我地就追佢上番渣飲品，點知佢話佢唔可以補番比我地，要飲我地就要自己再落單，我地就覺得有問題，佢打破渣野又唔陪，咁我地就叫經理講數，經理到左之後，個服務員仲好大聲咁話佢掂都無掂過，唔係佢打爛，一定係我地打爛，又話如果係佢打爛野，佢要自己陪錢．跟住個經理仲好鬼串咁話唔關佢ｄ人事，仲話我要打爛野，基本上係要我地陪錢．
有無攪錯，你大拿拿一間連鎖式酒樓，咁既服務態度，自己員工做錯野，唔肯認錯不特只，仲想推卸責任．ｄ服務態度差到死，個女服務只打爛野又大大聲推卸，個男經理講野串到死仲話要我地陪錢．真係諗都無諗過會係香港受到咁既待遇．（順帶一提，佢成間酒樓ｄ服務員有超過一半都係鄉音未改，都唔知黎左香港有幾耐！）
到最後，都只係唔收果廿蚊既飲品錢，死都唔肯道歉，令我地個個都食到一吐氣．我地最後話要見大ｄ既經理，點知我地得到既回覆係：”我話左比經理聽架啦，不過佢見唔見你我唔知，你一係就等下啦”
成間酒樓ｄ人既態度就好似返左去幾十年前既大陸咁，ｄ人做又３６，唔做又３６，跟本無人理你．成晚食飯所有加水加湯，執碗擺碟自己做曬，唔會有人理你，你話係咪比佢激到斷氣．
张贴